"Qo'qon-1912" mashg'ulotlarni davom ettirmoqda, jamoaning nazorat o'yinlaridagi raqiblari ham malum

Mashg'ulotlar kuniga ikki mahaldan olib borilyapti. Aziz To'xtaboev boshchiligidagi murabbiylar shtabi futbolchilardan mashg'ulotlarda astoydil ishlashni talab qilishmoqda. Murabbiylar futbolchilarning jismoniy holatlarini yaxshilashga ham alohida urg'u berishgan.

CHirchiq yig'ini doirasida "shunqorlar" bir nechta nazorat o'yinlarida ishtirok etishlari haqida xabar bergan edik. Bugungi kunga kelib sparring raqiblarning nomlari malum bo'ldi. Rejaga ko'ra quyidagi sanalarda jamoa nazorat o'yinlarida maydonga tushadi.

16.07.2019. "Qo'qon-1912" – "Oqtepa"

17.07.2019. "Qo'qon-1912" – "Xo'jand" (Tojikiston)

18.07.2019. "Qo'qon-1912" - "SHo'rtan"

Barcha uchrashuvlar CHirchiq shahrida bo'lib o'tadi.

Bundan tashqari, yana nazorat o'yinlari o'tkazish borasida Superliga klublari bilan ham muzokaralar olib borilmoqda.

"Qo'qon-1912" jamoasining matbuot xizmati ijtimoiy tarmoqlardagi sahifalari orqali barcha o'yinlardan onlayn translyaciyalarni olib boradi.

Quyida qo'qonliklarning kechagi mashg'ulotlaridan suratlarni etiboringizga havola etamiz.