"Qizilqum" – "Nasaf" o'yinida penalti belgilanishi kerakmidi? Superliganing 22-turidagi hakamlik faoliyati tahlili

Championat.Asia saytining hakamlik bo'yicha eksperti, rossiyalik sobiq hakam Anatoliy Sinyaev ("Alyo, ref!" Telegram kanali) o'z hakamlar jamoasi bilan Superliganing 22-tur uchrashuvlaridagi munozarali holatlarni tahlil qildi.

✅ "Surxon" - "Mashal"

"Mashal" o'yinchisi to'pni o'ynashga urinib, raqibining tizza sohasiga butsaning tishlari bilan engil tegib ketadi. Uning harakatlarini "ehtiyotsizlik" deb baholash mumkin, biroq u oyog'ini tortib, iloji boricha to'qnashuvdan qochishga harakat qilgan. Kuchsiz zarba, "ezg'ilash" holati yo'q. Bizning fikrimizcha, hakam sariq kartochka ko'rsatib, to'g'ri qaror qabul qildi. VAR bu epizodga aralashmasligi kerak edi.

BAHSLI VAZIYAT HAVOLASI

✅❌ OKMK – "Bunyodkor"

Dastlab hakam murakkab vaziyatda xatoga yo'l qo'yib, jarima maydoni tashqarisida sodir bo'lgan qoidabuzarlik uchun penalti belgiladi. VAR vaziyatga to'g'ri aralashib, hakamni monitor oldiga chaqirdi. Biroq bizning fikrimizcha, hakam yana xato qilib, "Bunyodkor" o'yinchisini faqat ogohlantirish bilan jazoladi. Stop-kadrda ko'rinib turibdiki, qoidabuzarlik paytida OKMK o'yinchisi gol urish uchun yaqqol imkoniyatga ega edi. Ikkinchi himoyachi o'yinchi unga to'sqinlik qilishga ulgurmaydi, hujum yo'nalishi darvoza tomon qaratilgandi. To'g'ri qaror: jarima zarbasi va qizil kartochka.

BAHSLI VAZIYAT HAVOLASI

✅❌ OKMK – "Bunyodkor"

Ushbu epizodda "Bunyodkor" futbolchisi tomonidan to'xtatib qolishga urinish sodir etildi, bu esa raqibning oldinga siljishiga jiddiy to'sqinlik qildi va uni gol urish imkoniyatidan butunlay mahrum etdi. To'g'ri qaror penalti belgilash va qizil kartochka ko'rsatish bo'lardi. Biroq hakam qoidabuzarga sariq kartochka ko'rsatib, xatoga yo'l qo'ydi.

BAHSLI VAZIYAT HAVOLASI

✅ "Buxoro" - "Navbahor"

Ushbu epizodda "Buxoro" o'yinchisi gol bilan yakunlangan hujum boshida qoidani buzmagan holda to'pni egalladi. Uning qo'llari raqibning orqasida ko'rindi, ammo qo'shimcha harakatlar mavjud emas. Raqibning oldinga siljishiga haqiqatdan to'sqinlik qiladigan aniq turtki yoki ushlab qolish holati kuzatilmagan. "Navbahor" o'yinchisi o'z ixtiyori bilan yiqildi. Gol to'g'ri hisobga olingan.

BAHSLI VAZIYAT HAVOLASI

✅ "Neftchi" - "Dinamo"

Bizning fikrimizcha, hakam to'g'ri qaror qabul qilib, himoyalanayotgan jamoa ("Dinamo") foydasiga jarima zarbasi belgiladi. Himoyachi ehtiyotkorlik va sportcha uslubda, hech qanday qoida buzarlik yoki noqonuniy harakatlar qilmasdan, to'pga o'ynaydi, shundan so'ng "Neftchi" hujumchisi uning oyog'iga zarba berdi. Bu intizomiy jazo nuqtai nazaridan "chegaradosh" epizod hisoblanadi. Qoidabuzar o'yinchi to'pga egalik qilgani va to'qnashuvni yumshatishning iloji bo'lmagani, raqib esa oxirgi lahzada orqadan chiqib qolgani sababli, hakamning kartochkasiz himoyalanayotgan tomon foydasiga jarima zarbasi belgilash qarorini maqullaymiz.

BAHSLI VAZIYAT HAVOLASI

✅ "Andijon" - "So'g'diyona"

"So'g'diyona" o'yinchisi zarbani to'sdi. To'p tanaga tekkach, yo'nalishini o'zgartirib, himoyachining o'ng qo'liga tegib ketdi (himoyachi shu paytda qo'lini tortib olishga urinayotgan edi). Fikrimizcha, o'yin davom etishi kerak.

BAHSLI VAZIYAT HAVOLASI

✅ "Qizilqum" - "Nasaf"

"Qizilqum" o'yinchisi o'z jarima maydonida to'pni qo'li bilan o'ynadi. Qo'l yonga uzatilgan va tanani g'ayritabiiy tarzda kattalashtirgan. Hakam penalti belgilab, to'g'ri qaror qabul qildi.

BAHSLI VAZIYAT HAVOLASI

Shu tariqa, Superliganing 22-tur o'yinlarida hakamlar ikkita xatoga yo'l qo'yishdi (ikkalasi ham OKMK - "Bunyodkor" uchrashuviga oid).