“Qizilqum” jamoasi yana “Lokomotiv” bilan o'ynaydi
11 noy 2016 15:08
Yangiliklar

“Qizilqum” jamoasi yana “Lokomotiv” bilan o'ynaydi

O'zbekiston milliy terma jamoasining 15 noyabrda Janubiy Koreya futbolchilari bilan jahon chempionati saralash bosqichida kuch sinashishi munosabati bilan oliy ligada kichik tanaffus yuzaga keldi.

CHempionatimizda yuzaga kelgan tanaffusdan unumli foydalanishni ko'zlagan “Qizilqum” vakillari navbatdagi o'yinga Toshkentda hozirlik ko'rishmoqda. Taqvimga ko'ra, konchilar yigirma to'qqizinchi turda safarda “Neftchi” jamoasiga qarshi maydonga chiqadi. Bu o'yin 17 noyabrda bo'lib o'tadi.

Poytaxtdagi yig'in doirasida navoiyliklar bitta sinov nazorat uchrashuvi o'tkazishni rejalashtirishgan. Bu o'yin 12 noyabr kuni bo'lib o'tadi. Unda Hamidjon Aktamov rahbarlik qilayotgan “Qizilqum” futbolchilari Toshkentning “Lokomotiv” jamoasi bilan kuch sinashadi.

Eslatib o'tamiz, o'rtoqlik uchrashuvi Toshkent temiryo'l muhandislari instituti stadionida bo'lib o'tadi. O'yin soat 14.00 da boshlanishi belgilangan.

Havola :

Manba : fcqizilqum.uz

Yangiliklarni Telegramda o'qing!

Reyting: +9