"Qizilqum" ikkinchi o'rtoqlik uchrashuvida yirik hisobda g'alaba qozondi FOTOGALEREYA

22 fevral kuni Sidedagi "Emirhan"  sport majmuida o'tgan uchrashuvda Ukraina premer ligasi vakili "Karpati" (Lvov) yoshlari konchilar raqibi bo'ldi.

O'yinda navoiyliklar bosh murabbiyi Yuriy Lukin ikki bo'limda ikki xil tarkibni maydonga tushirdi. Dastlabki bo'limda "Qizilqum" jamoasi murabbiylar shtabi asosan yoshlarga etibor qaratdi. Jumladan, konchilar tarkibida Nodirjon SHaxobiddinov, Bobir Mamirov, Bobirjon Iskandarov singari umidli futbolchilar boshlang'ich tarkibda o'z mahoratini namoyish etdilar. Uchrashuvning ilk daqiqalaridan boshlab konchilar tashabbusni qo'lga olishdi. Garchi, birinchi bo'limda hisob ochilmagan bo'lsa-da, "Qizilqum" vakillarida golga tortadigan o'nga yaqin vaziyat yuzaga keldi. Aksariyat vaziyatlarda  lvovliklar darvozaboni mahorat ko'rsatgan bo'lsa, ayrimlarida konchilarga aniqlik etishmadi.

Tanaffusdan so'ng, Yuriy Lukin o'z jamoasining barcha etakchi o'yinchilariga imkoniyat berdi. Bu esa o'z samarasini uzoq kuttirmadi. 47-daqiqada iqtidorli hujumchi Bahriddin Vahobov darvozadan chamasi 20 metrlar olisdan kuchli zarba bilan  "Karpati" posbonini chiroyli tarzda dog'da qoldirdi. Oradan etti daqiqa o'tar-o'tmasdan navoiyliklar hisobni 2:0 ko'rinishiga keltirdilar. Bu gal ham Bahriddin Vahobovning faolligi konchilarning ikkinchi goli raqib darvozasidan joy olishiga xizmat qildi.

Uchrashuvning 72-daqiqasida lvovliklar o'z jarima maydonchasi ichida Alisher Sanoevga nisbatan o'yin qoidasini buzdilar. Turkiyalik referi esa ikkilanmasdan o'n bir metrlik nuqtani ko'rsatdi. Ammo hujumchi Alisher Xoliqovning bergan zarbasini "Karpati" darvozaboni osonlik bilan ushlab oldi va darvozasini goldan qutqarib qoldi.

Oradan etti daqiqa o'tgach, aynan Alisher Xoliqovning pasidan so'ng, "Qizilqum"ning ukrainalik legioneri Vyacheslav SHevchenko darvozani ishg'ol etdi - 3:0.

O'yinning qolgan daqiqalarida maydonda ustunlik konchilar tomonida bo'lgan bo'lsa-da, uchrashuv oxirigacha shu hisob saqlanib qoldi.

Uchrashuvdan FOTOGALEREYA

 HAKAMLAR HUJJATIDAN KO'CHIRMA:

Nazorat uchrashuvi
2015 yil 22 fevral
"Qizilqum" (Navoiy, O'zbekiston) - "Karpati" (Lvov, Ukraina) - 3:0 (2:0).
Antaliya, Side. "Emirhon"sport majmuasi.
Hakamlar: Isa Kash, Dovud Zeytin, Ali Otaturk (barchasi - Turkiya).
Gollar: Bahriddin Vahobov (47, 50), Vyacheslav SHevchenko (79).
"QIZILQUM": Artyom Makosin, Ruslan Sanaev (Asqarjon Muhiddinov, 46), Bobirjon Iskandarov (Fayzulla Qambarov, 46), G'ayrat Jumaev (Akmal Rustamov, 46), Sarvarjon Xolmatov (Mirjalol Qurbonov, 46), Jamshid SHohnazarov  (Alisher Sanoev, 46), Feruz Boboqulov (Andrey Derkach, 46), Nodirjon SHaxobiddinov (Azizbek Usmonov, 46), Xurshidjon Yo'ldoshev (Bahriddin Vahobov, 46), Bobir Mamirov (Vyacheslav SHevchenko, 46), Alisher Azizov (Alisher Xoliqov, 46).
"KARPATI": Oleg Steckov (Vitaliy Danilov, 46), Nazariy Vidarik, Dmitriy Sautin (Orest Lebedenko, 46), Igor Bogan, Vitaliy Mitikin (Artyom Xocyanovskiy, 60), Andrey Yakimiv, Vladimir Gladkiy (Sergey Valenko, 55), Roman Lebed, Igor Karpenko, Andrey Busko, Oleksandr Oleynik.
Amalga oshirilmagan penalti: Alisher Xoliqov (72).

Eslatib o'tamiz, "Qizilqum" jamoasi navbatdagi nazorat uchrashuvini 23 fevral kuni o'tkazadi. Unda konchilar Qozog'iston super ligasi vakili "Qaysar" futbolchilari bilan kuch sinashadi. O'yin Belekda Turkiya vaqti bilan soat 17.30 da boshlanadi.