"Qizilqum": Antaliyada mashg'ulotlar davom etmoqda FOTOGALEREYA

Kunning birinchi yarmida "Rostov" jamoasiga qarshi o'ynagan futbolchilar engil chigalyozdi mashg'ulotlari bilan kifoyalanishgan bo'lsa, qolganlar belgilangan tartibda navbatdagi o'yinga hozirlik ko'rdilar.

Kechki mashg'ulotlarda barcha birdek ter to'kdi. Bosh murabbiy etakchi futbolchilarga alohida yuklamalar berdi. Ikki soatga yaqin davom etgan mashg'ulotlarda hamma futbolchilar astoydil ishladilar.

Kechqurun esa Orange palas mehmonxonasida jamoa azolari nazariy mashg'ulotlarda qatnashdi. Jumladan, unda "Rostov"ga qarshi kechgan o'yin tahlil etilib, yo'l qo'yilgan xato-kamchiliklarni bartaraf qilish bo'yicha murabbiylar o'z ko'rsatmalarini berishdi.

Eslatib o'tamiz, "Qizilqum" jamoasi Turkiya yig'ini doirasidagi ikkinchi nazorat uchrashuvini 22 fevralda o'tkazadi. Unda konchilar Ukraina premer ligasi vakili Lvovning "Karpati" yoshlari bilan kuch sinashadi. O'yin Sidedagi "Emirhon palas"  sport majmuida Toshkent vaqti bilan soat 18.30 da boshlanadi.

"Qizilqum" futbol klubi Matbuot xizmati mazkur o'yinni onlayn translyaciya qilishga harakat qiladi.

O'rtoqlik uchrashuvi. "Rostov" (Rossiya) - "Qizilqum" (O'zbekiston) FOTOGALEREYA