Qirg'izistonlik mehmonlar Namangandagi “Markaziy” stadionda mehmon bo'lishdi

Bugun ertalab Qirg'izistonning Jalolobod viloyatidan tashrif buyurgan bir guruh mehmonlar delegaciyasi Namangan viloyat hokimi, Namangan viloyat futbol associaciyasi prezidenti Xayrulla Hayitbaevich Bozarov, Namangan shahar hokimi, “Navbahor” PFK prezidenti SHavkat SHokirjanovich Abdurazzoqov hamrohligida Namanganning “Navbahor” klubi uy uchrashuvlarini o'tkazadigan Namangan shahridagi “Markaziy” o'yingohga tashrif buyurishdi.

Qirg'iziston delegaciyasini Namangan viloyat futbol associaciyasi birinchi vice-prezidenti Bahrom Xolmirzaev, “Navbahor” PFK direktori Akramjon Dedabaev, “Navbahor” jamoasi murabbiylari, futbolchilari va xodimlari, shuningdek, “Navbahor-Umid” futbol maktabi, 15-sonli futbol maktab – internati tarbiyalanuvchilari kutib olishdi.
Qirg'izistonlik mehmonlar “Markaziy” o'yingohning maydoni holati, futbolchilar, xodimlarga yaratilgan sharoitlar bilan tanishishdi. Mehmonlarga “Navbahor” PFK tomonidan sovg'alar topshirildi.