Qatar terma jamoasi bugun noxush ananaga chek qo'ya oladimi?

 Bu Qatar Respublikasining uchinchi Osiyo kubogiga mezbonlik qilishi hisoblanadi. Bunga qadar qatarliklar 1988 va 2011 yillarda bo'lib o'tgan qita birinchiligiga mezbonlik qilishgan. Biroq har ikki ochilish uchrashuvida ham Qatar terma jamoasi 0:2 hisobida mag'lub bo'lgan.

 1988 yilgi turnirda Qatar Erondan 0:2 hisobidagi mag'lubiyatni qabul qilib olgan bo'lsa, Oradan 23 yil o'tib O'zbekiston terma jamoasi ham qatarliklarni ushbu hisobda mag'lub etgan.

SHuningdek, Qatar 2022 yilgi JCH bahslarining ochilish bahsida ham Ekvadorga 0:2 hisobida mag'lub bo'lgan.

SHu tariqa, qatarliklar o'z yurtida bo'lib o'tgan uchala musobaqaning ochilish uchrashuvida mag'lub bo'lgan va hech birida gol urishga ham erishmagan.

Bugun Markes Lopes shogirdlari o'zlarining to'rtinchi imkoniyatidan qanday foydalanishini 21:00 da start oladigan o'yindan keyin bilib olamiz.