Qani endi...

Bu yil futbolimiz turli tuman voqealarni ko'rdi. Yaxshilik ham bo'ldi, dil xiralik ham. Adolatu, adolatsizliklar. Bo'lar ish bo'ldi, yillar davomida bo'lib kelayotgan bu kabi illatlarni birdaniga yo'qotib bo'lmaydi. Ammo biz, 2017 yilni yangi oq qog'ozdan boshlash imkoniyatiga ega bo'lib turibmiz.

Qani endi... Stadionlarimiz to'lib toshsa. Barcha o'yinlar teng kurashlar ostida, shiddatga boy bo'lsa...

Qani endi...  Yurtimizga sifatli legionerlar kirib kelsa-yu, raqobat oshsa. Futbolchilarimiz o'z ustilarida qo'shimcha ishlasalar...

Qani endi... Barcha o'yinlar “Sport TV”da to'g'ridan – to'g'ri efirga uzatilsa, klublar o'z matbuot xizmatlariga jiddiy etibor qaratishsa...

Qani endi... Kelishilgan o'yinlar bo'lmasa, uchga-uch, totalizator, oldi sotdilar to'xtasa, bir mazza qilsak...

Qani endi... Faqat muammolar haqida emas, to'lqinlanib ajoyib o'tgan tur o'yinlari haqida munozaralar o'tkazsak...

Qani endi... Futbolchilar kamida ikki yillik shartnomaga imzo cheksalar-u, murabbiylar rosmana o'z ustida ishlasalar...

Kani endi... Oliy liga hakamlarining bari Ravshan Ermatovdek bo'lib qolsa...

Qani endi... Saytimizda hamma inoq bo'lsa, bir-biri bilan futbolni deb urishmasa, avvalo oilasi uchun yashasa, yurtimizni ravnaqiga hizmat qilsa...