Yamalning ish haqi oshiriladi. U "Barsa"da eng ko'p maosh oladigan futbolchilar uchligiga kiradi

"Cuatro" malumotlariga ko'ra, Lamin Yamal yangi bitim bo'yicha yiliga 8 mln evro oladi. U "Barsa"da de Yong va Levandovskidan keyin eng ko'p maosh oladigan futbolchilar uchligiga kiradi.

"Cadena Ser"ning xabar berishicha, Laminning agentlari u klubda eng yuqori maoshni olishi kerak deb hisoblaydi.

"Barselona" u loyihaning etakchilaridan biri ekanligi va maosh chegarasining yuqori qismida bo'lishi kerakligini tushunadi. Ammo klub uni rahbariyat shartnomalarini asossiz deb hisoblagan va qayta ko'rib chiqishga muhtoj bo'lgan Levandovski, de Yong va ter Shtegen bilan bir darajaga qo'ymoqchi emas. Ular Lamin Yamalni ushbu toifaga kiritish klubning maosh tuzilmasini butunlay emirilishiga olib kelishi mumkinligini tushunishadi.

COPE xabariga ko'ra, Lamin Yamalning vakillari muzokaralarda uning "Barselona" tarixidagi eng ko'p maosh oluvchi futbolchiga aylanishini talab qilmoqda.

17 yoshli Lamin Yamal joriy mavsum "Barselona" safida 54 o'yin o'tkazib, 18 ta gol urdi va 25 ta golga assistentlik qildi. U Kataloniya jamoasi bilan Ispaniya chempionati, Kubok va Superkubokda g'olib chiqdi.

"Barselona" prezidenti Joan Laporta jamoa vingeri Lamin Yamal bilan kelishuvni uzaytirish to'g'risidagi savolga javob bergan edi.