Prevyu. "So'g'diyona" - "Nasaf"

So'g'diyona (Jizzax) – Nasaf (Qarshi)
21 oktyabr 2015. Jizzax. “So'g'diyona” stadioni. 16:00
Hakamlar: V. Ceytlin (Toshkent), T. Gaynulin (Toshkent), N. Ro'zimov (Toshkent), E. Tursunov (Buxoro)
Nazoratchi: I. SHaripov (Buxoro).

“So'g'diyona” hamda “Nasaf” klublari oliy ligada shu kungacha 29 bor kuch sinashishgan. “Nasaf” 22ta o'yinda g'alaba qozongan. 6ta uchrashuvda “So'g'diyona”ning qo'li baland kelgan. 1ta o'yinda durang qayd etilgan. To'plar nisbatida ustunlik “Nasaf” tomonida: 62:27. “Ajdarlar” o'zaro o'yinlarda 67 ochkoga ega bo'lishgan, “So'g'diyona” esa 19 ochkoni qo'lga kiritgan. “Nasaf”ning “So'g'diyona” ustidan qozongan eng yirik g'alabasi 4:1ga teng bo'lsa, “So'g'diyona”ning qarshiliklar ustidan erishgan eng yirik g'alabasi – 3:2.

Dastlabki davrada Qarshida o'tgan o'yinda SHohruh Gadoev, Maqsud Karimov va Roy Rok tomonidan urilgan gollarga "So'g'diyona"dan Jasur Hakimov javob bergandi - 3:1.

"So'g'diyona" maydonida bo'lib o'tgan so'nggi besh uchrashuv:
03.05.2014 So'g'diyona - Nasaf 1:2
31.05.2013 So'g'diyona - Nasaf 0:2
23.09.2011 So'g'diyona - Nasaf 0:2
26.09.2009 So'g'diyona - Nasaf 1:4
29.08.2008 So'g'diyona - Nasaf 2:1

O'zaro o'yinlar haqida fakt: “So'g'diyona” o'z maydonida bo'lib o'tgan o'yinlarning 5tasida zafar quchgan. "Nasaf” bu jamoa maydonidan 9 bor g'alaba bilan qaytgan. So'nggi 4ta o'yinda “ajdarlar” "So'g'diyona" maydonidan faqat g'alabaga erishishgan.