Prevyu. "So'g'diyona" - "Bunyodkor"

SO'G'DIYONA – BUNYODKOR
1 iyun. Zomin. "Zomin" stadioni. 17:00
Hakamlar: B.Namozov, X.Mirzaahmedov, A.Snetkov, A.Ergashev
Nazoratchi: A.Hotamov.

“So'g'diyona” va “Bunyodkor” oliy ligada 8 bora to'qnash kelishgan. Natijalar poytaxt jamoasining mutloq ustunligini ko'rsatmoqda.

“Bunyodkor” 8ta o'yindan 8tasini yutgan. Tushunarliki “So'g'diyona” bu raqib bilan durang o'ynamagan va g'alaba qozona olmagan. “Bunyodkor” o'yinlarda 29 ta gol kiritgan, jizzaxliklar 1 bora “qaldirg'ochlar” darvozasini ishg'ol etishgan. “Bunyodkor” o'zaro o'yinlarda 24 ochkoni o'z hisobiga yozib qo'ygan bo'lsa, “So'g'diyona”da bu ko'rsatkich 0 ni tashkil etadi. “Bunyodkor”ning o'zaro o'yinlardagi eng yirik g'alabasi 6:1.

O'tgan yil birinchi turda Toshkentda o'tgan bahsda mezbonlar 5:0 hisobida zafar quchishgan. Oleksandr Pishur uchta to'p kiritgan, Lutfulla To'raev va Kamoliddin Murzoev bir martadan gol urishgan. Javob bahsida Pishur va Sardor Rashidov “So'g'diyona” darvozasini ishg'ol qilishgan – 0:2.

“So'g'diyona” maydonida o'tgan so'nggi to'rt uchrashuv:
08.11.2013 So'g'diyona - Bunyodkor 0:2
15.06.2011 So'g'diyona - Bunyodkor 1:6
04.08.2009 So'g'diyona - Bunyodkor 0:3
30.06.2008 So'g'diyona - Bunyodkor 0:5

O'zaro o'yinlar haqida fakt: “So'g'diyona” bu raqib darvozasiga urilgan yagona golni o'z maydonida urgan. O'sha to'pni 2011 yilgi mavsumda Arturos Fomenko kiritgandi. “Qaldirg'ochlar” safardagi to'rtta o'yinda ham g'alabaga erishishgan. “Bunyodkor”ning safardagi gollari soni 16ta.