Prevyu. "SHo'rtan" - "So'g'diyona"

SHo'rtan (G'uzor) – So'g'diyona (Jizzax)  
7 may 2016. G'uzor. "G'uzor" stadioni. 18:00
Hakamlar: V. Ceytlin (Toshkent), M. Saidqosimov (Toshkent), A. Usmonov (Toshkent), I. Xudoydotov (Toshkent)
Nazoratchi: I. SHaripov (Buxoro).

“SHo'rtan” hamda “So'g'diyona” klublari oliy ligada shu kungacha 14 bor kuch sinashishgan. Natijalar G'uzor klubining ustunligini ko'rsatmoqda. Bu jamoa 7ta o'yinda yutgan, 5ta uchrashuvda “So'g'diyona” g'olib bo'lgan, 2ta o'yinda durang natija qayd etilgan. To'plar nisbatida kichik ustunlik vohaliklar tomonida: 19:15. “SHo'rtan” 23 ochko, “So'g'diyona” 17 ochkoni qo'lga kiritgan. “SHo'rtan”ning o'zaro eng yirik g'alabasi 3:0, “So'g'diyona”da esa bu ko'rsatkich – 3:1ga teng.

O'tgan mavsumda  G'uzorda o'tgan uchrashuvda mezbonlar yirik g'alabaga erishishgan. G'ulomhaydar G'ulomov, Eldor Boymatov va Igor Taran “So'g'diyona” darvozasiga to'p kiritishgan – 3:0. Jizzada Zafar Polvonovning dubli “SHo'rtan”ga g'alaba keltirgan – 2:0.

G'uzorda o'tgan barcha uchrashuvlar:
22.03.2015  SHo'rtan - So'g'diyona 3:0
30.03.2013  SHo'rtan - So'g'diyona 1:0
20.06.2011  SHo'rtan - So'g'diyona 3:2
04.04.2009  SHo'rtan - So'g'diyona 2:1
04.04.2008  SHo'rtan - So'g'diyona 0:2

O'zaro o'yinlar haqida fakt: G'uzordagi 7ta o'yindan 5tasida “SHo'rtan”, 2tasida “So'g'diyona” g'alaba qozongan. Yani, G'uzorda bu jamoalar hozirgacha umuman durang o'ynashmagan. Oxirgi to'rtta o'yinda “SHo'rtan” o'z maydonida faqat g'alaba qozongan.