Prevyu. "Neftchi" - "SHo'rtan"

Neftchi (Farg'ona) – SHo'rtan (G'uzor)
30 aprel 2016. Farg'ona. "Istiqlol" stadioni. 18:00
Hakamlar: H. Ro'ziev (Toshkent), R. Fozilov (Namangan), M. Majidov (Namangan), R. Lutfulin (Toshkent)
Nazoratchi: B. Galeev (Urganch).

“Neftchi” va “SHo'rtan” oliy ligada 20 marta o'zaro o'ynashgan. Natijalar tenglikni ko'rsatmoqda. Ikkala klub 7tadan o'yinda muvaffaqiyat qozonishgan. Olti o'yinda durang natijasi qayd etilgan. To'plar nisbatida ustunlik “SHo'rtan” tomonida - 24:22. O'zaro o'yinlarda “Neftchi” va “SHo'rtan” 27 ochko olishgan.

“Neftchi”ning o'zaro o'yinlarda qozongan eng yirik g'alabasi – 5:0ga teng. “SHo'rtan”ning eng yirik g'alabasi 4:0.

Bir yil ilgari Farg'onadagi o'yinda durang kuzatilgan. Ikkinchi bo'lim boshida mehmonlar himoyachisi Darko Stanoevich hisobni ochgandi. Bunga bahs so'nggida mezbonlar hujumchisi Murod Bobojonov javob bergandi – 1:1. G'uzorda “SHo'rtan” yirik g'alabani tantana qilgandi. Igor Taran dublga erishgan, Zafar Polvonov va Eldor Boymatov bittadan gol urishgan. “Neftchi” safida bitta javob to'piga SHerzod Hakimov mualliflik qilgandi – 4:1.

Farg'onada bo'lib o'tgan so'nggi besh uchrashuv:
14.03.2015 Neftchi - SHo'rtan 1:1
04.08.2014 Neftchi - SHo'rtan 2:0
18.05.2012 Neftchi - SHo'rtan 1:1
17.04.2011 Neftchi - SHo'rtan 0:0
04.06.2010 Neftchi - SHo'rtan 0:2

O'zaro o'yinlar haqida fakt: Farg'onada bo'lib o'tgan 10ta o'yinning 5tasida “Neftchi” g'alaba qozongan. To'rt bahsda “SHo'rtan” safarda durangga erishgan va bir marta (2010 yil) g'olib bo'lgan. Etiborlisi, so'nggi 6ta o'yinda “Neftchi” o'z uyida faqat bir bor g'alabaga erishgan.