PREVYU. "Neftchi" - "Metallurg"

Neftchi – Metallurg
20 sentyabr. Kirguli. “Neftchi SK”. 16:00
Hakamlar: R.Bobomurodov, R.SHoyaxmetov, S.SHoyusupov, A.Rahimov
Nazoratchi: V.Valickiy.
 
“Neftchi” va “Metallurg” oliy ligada 33 bora to'qnash kelishgan. Natijalar vodiy jamoasining kattagina ustunligini ko'rsatmoqda.

“Neftchi” 33ta o'yindan 19tasini yutgan. 8ta bahsda durang qayd etilgan. “Metallurg” bu raqibni 6 marta mag'lub etgan. “Neftchi” o'zaro o'yinlarda 66ta gol kiritgan, bekobodliklar 33 bora farg'onaliklar darvozasini ishg'ol etishgan. “Neftchi” o'zaro o'yinlarda 65 ochkoni o'z hisobiga yozib qo'ygan bo'lsa, “Metallurg”da bu ko'rsatkich 26ni tashkil etadi. Farg'onaliklarning o'zaro o'yinlardagi eng yirik g'alabasi 7:1ga teng bo'lsa, “Metallurg”da bu ko'rsatkich 3:1ga teng.

Birinchi davrada Bekobodda bo'lib o'tgan o'yinda hisobni mehmonlar vakili Otabek Zokirov ochgandi. Bunga birinchi bo'limga Sunnatilla Mamadaliev, ikkinchi bo'limga SHahzodbek Nurmatov javob berishgandi – 2:1.

Farg'onada bo'lib o'tgan so'nggi besh uchrashuv:
09.03.2013 Neftchi - Metallurg 0:1
09.08.2012 Neftchi - Metallurg 4:0
12.03.2011 Neftchi - Metallurg 3:1
22.05.2010 Neftchi - Metallurg 3:3
20.06.2009 Neftchi - Metallurg 2:1

O'zaro o'yinlar haqida fakt: “Neftchi” o'z maydonidagi 16ta o'yinning 14tasida mezbonlar zafar quchishgan. Bitta bahsda durang qayd etilgan. Faqat bir bora Bekobod klubi safardan g'alaba bilan qaytgan.