PREVYU. "Nasaf" - "So'g'diyona"

Nasaf – So'g'diyona
20 sentyabr. Qarshi. “Markaziy”. 18:00
Hakamlar: V.Ceytlin, B.Qodirov, A.Qo'ldoshev, E.Tursunov
Nazoratchi: D.Roman.

“Nasaf” hamda “So'g'diyona” klublari oliy ligada shu kungacha 27 bor kuch sinashishgan. “Nasaf” 20ta o'yinda g'alaba qozongan. 6ta uchrashuvda “So'g'diyona”ning qo'li baland kelgan. 1ta o'yinda durang qayd etilgan. To'plar nisbatida ustunlik “Nasaf” tomonida: 56:25. “Ajdarlar” o'zaro o'yinlarda 61 ochkoga ega bo'lishgan, “So'g'diyona” esa 19 ochkoni qo'lga kiritgan. “Nasaf”ning “So'g'diyona” ustidan qozongan eng yirik g'alabasi 4:1ga teng bo'lsa, “So'g'diyona”ning qarshiliklar ustidan erishgan eng yirik g'alabasi – 3:2.

7-turda “Nasaf” safardan g'alaba bilan qaytgandi. Artur Gevorkyanning ikkita goliga “So'g'diyona” yarim himoyachisi Suhrob Berdiev oxirgi daqiqalarda javob bergandi – 1:2.

Qarshida bo'lib o'tgan so'nggi besh uchrashuv:
26.08.2013 Nasaf - So'g'diyona 4:2
17.04.2011 Nasaf - So'g'diyona 3:1
03.05.2009 Nasaf - So'g'diyona 3:0
25.06.2008 Nasaf - So'g'diyona 2:0
10.09.2006 Nasaf - So'g'diyona 4:2

O'zaro o'yinlar haqida fakt: “Nasaf” o'z maydonida bo'lib o'tgan o'yinlarning 11tasida zafar quchgan. Bir marta durang qayd etilgan. Faqat 1 marta “So'g'diyona” Qarshidan g'alaba bilan qaytgan. “Ajdarlar” 2005 yildan buyon o'z uylarida ushbu raqibni faqat mag'lub etib kelishmoqda.