Prevyu. "Mashal" - "Metallurg"

Mashal (Muborak) – Metallurg (Bekobod)
15 avgust 2015. Muborak. Bahrom Vafoev nomidagi stadion. 18:30
Hakamlar: SH. Qosimov (Toshkent), A. Qo'ldoshev (Buxoro), B. Qodirov (Buxoro), R. Lutfulin (Toshkent)
Nazoratchi: I. SHaripov (Buxoro).
O'zPFL vakili: V. SHtern.

“Mashal” va “Metallurg” oliy ligada jami 25 bora to'qnash kelishgan. Natijalar “Mashal”ning ustunligini ko'rsatmoqda. Muborakliklar 12ta o'yinda g'olib bo'lishgan. 6ta o'yinda durang qayd etilgan. 7 uchrashuvda esa “Metallurg” zafar quchgan. To'plar nisbatida ham “Mashal” oldinda – 45:33. O'zaro o'yinlarda “Mashal” 42 ochkoni, “Metallurg” esa 27 ochkoni  qo'lga kiritgan.

“Mashal”ning o'zaro o'yinlarda qozongan eng yirik g'alabasi – 5:1 ga teng. “Metallurg”da bu ko'rsatkich 4:2 bo'lib turibdi.

Birinchi davrada  Bekobodda tashkil etilgan bahsda Sardor Rasulov tomonidan birinchi bo'limda urilgan gol “Metallurg”ga muhim g'alabani keltirgandi – 1:0.

Muborakda bo'lib o'tgan so'nggi besh uchrashuv:
21.06.2014 Mashal - Metallurg 3:1
24.03.2012 Mashal - Metallurg 2:1
31.07.2011 Mashal - Metallurg 2:1
01.05.2010 Mashal - Metallurg 1:1
30.06.2009 Mashal - Metallurg 1:1

O'zaro o'yinlar haqida fakt: Bu jamoalar Muborakda 12ta o'yin o'tkazishgan. SHu o'yinlardan 8tasida “Mashal” g'olib bo'lgan. “Metallurg” safardan faqat bir marta (2002 yil) g'alaba bilan qaytgan. 3ta uchrashuvda durang hisobi qayd etilgan. “Mashal” oxirgi uch o'yinda bu raqibni o'z uyida uch bor mag'lub etgan.