PREVYU. "Lokomotiv" - "Paxtakor"

Oliy Liga, 20-tur uchrashuvi
Lokomotiv (Toshkent) – Paxtakor (Toshkent)
21 oktyabr 2014. Toshkent. "Lokomotiv" stadioni. 17:00 (SPORT TV live) 
Hakamlar: Amar Ali Abdulla al-Junaybi, Hasan Muhammad Hasan al-Maxriy, Zayd Dovud Salmon Kamol (barchasi – BAA), D. Pislegin (Toshkent)
Nazoratchi: A. Popov (Toshkent).

“Lokomotiv” hamda “Paxtakor” oliy ligada 19 bora to'qnash kelishgan. SHulardan 13tasida “sherlar” g'olib bo'lishgan, 5ta o'yinda g'olib aniqlanmagan. “Lokomotiv” hozirga qadar “Paxtakor”ni bir marta mag'lub etgan. To'plar nisbati “Paxtakor” foydasiga 48:15 ni tashkil qilmoqda. O'zaro o'inlarda “Paxtakor” 44 ochkoni, “Lokomotiv” esa 8 ochkoni qo'lga kiritgan.

“Paxtakor”ning “Lokomotiv” ustidan qozongan yirik g'alabasi - 7:1ga teng. “Temiryo'lchilar” yagona g'alabasi - 2:1.

Dastlabki davrada “Paxtakor” maydonida bo'lib o'tgan bahsda 2:2 hisobi qayd etilgandi. O'sha bahsning 11-daqiqasida Ivan Nagaev hisobni ochgandi. Bunga birinchi bo'limda Aleksandr Merzlyakov javob bergandi. 76-daqiqada Jasur Hasanov “Lokomotiv”ni yana oldinga olib chiqqandi. Asosiy vaqt tugashiga bir daqiqa qolganida Egor Krimec to'p kiritib yakuniy natijani o'rnatgandi - 2:2.

“Lokomotiv” maydonida o'tgan barcha uchrashuvlar:
04.10.2013 Lokomotiv - Paxtakor 0:1
27.04.2012 Lokomotiv - Paxtakor 1:1
15.08.2010 Lokomotiv - Paxtakor 0:2
30.10.2009 Lokomotiv - Paxtakor 2:2
04.04.2008 Lokomotiv - Paxtakor 1:1
06.08.2007 Lokomotiv - Paxtakor 0:1
16.04.2006 Lokomotiv - Paxtakor 0:1
25.04.2005 Lokomotiv - Paxtakor 1:6
17.08.2004 Lokomotiv - Paxtakor 0:4

O'zaro o'yinlar haqida fakt: “Lokomotiv” o'z maydonida bo'lib o'tgan 9 o'yinning hech birida g'alaba qozona olmagan. Uch marta durang o'ynagan. Qolgan olti o'yinda “Paxtakor” raqib maydonidan uch ochko bilan qayta olgan.