Prevyu. "Dinamo" - "SHo'rtan"

Dinamo (Samarqand) - SHo'rtan (G'uzor)
21 avgust 2015. Samarqand. "Dinamo" stadioni. 17:30
Hakamlar: R. Ermatov (Toshkent), A. Rasulov (Toshkent), D. Saidov (Toshkent), I. Ibragimov (Nukus)
Nazoratchi: B. Galeev (Urganch).
PFL vakili: V. Letkin.

“Dinamo” va “SHo'rtan” oliy ligada 19 bora to'qnash kelishgan. Natijalar mutlaqo tenglikni ko'rsatmoqda. “Dinamo” ham, “SHo'rtan” ham 8tadan o'yinda g'alaba qozongan, 3ta o'yinda g'olib aniqlanmagan. To'plar nisbati “Dinamo” foydasiga 24:23ni tashkil qilmoqda. O'zaro o'inlarda ikkala jamoa 27tadan ochko to'plashgan.

“Dinamo”ning “SHo'rtan” ustidan qozongan yirik g'alabasi – 4:1ga teng. “SHo'rtan”ning ushbu raqib ustidan qozongan eng yirik g'alabasi 4:2 bo'lib turibdi.

Dastlabki davrada G'uzorda bo'lib o'tgan bahsda maydon egalari g'alaba qozonishgan. Ikkinchi bo'lim so'nggida Suhrob Berdiev tomonidan kiritilgan to'p “SHo'rtan”ga 3 ochko keltirgan edi – 1:0.

Samarqandda bo'lib o'tgan so'nggi besh uchrashuv:
29.06.2013 Dinamo - SHo'rtan 2:1
05.05.2012 Dinamo - SHo'rtan 1:0
17.09.2011 Dinamo - SHo'rtan 3:0
16.10.2010 Dinamo - SHo'rtan 1:1
11.04.2009 Dinamo - SHo'rtan 2:1

O'zaro o'yinlar haqida fakt: Samarqandda bo'lib o'tgan o'yinlarda “Dinamo” 7 marta g'olib chiqqan va bir marta durang qayd etgan. “SHo'rtan” safarda faqat bir bor (2008 yil) g'alaba qozongan. So'nggi uch o'yinda “Dinamo” o'z uyida uch bor g'alabaga erishgan.