Prevyu. "Dinamo" - "Buxoro"

Dinamo (Samarqand) – Buxoro (Buxoro)
8 avgust 2015. Samarqand. "Dinamo" stadioni. 17:30
Hakamlar: Z. Qodirov (Navoiy), T. Galeev (Toshkent), A. Po'latov (Toshkent), K. Rasulov (Qarshi)
Nazoratchi: A. Xotamov (Toshkent).

“Dinamo” va “Buxoro” hamda klublari oliy ligada shu kungacha 41 bor kuch sinashishgan. “Buxoro” 20ta o'yinda g'alaba qozongan. 14ta uchrashuvda “Dinamo”ning qo'li baland kelgan. 7ta o'yinda durang qayd etilgan. To'plar nisbatida ustunlik “Buxoro” tomonida: 57:51. “Buxoro” o'zaro o'yinlarda 67 ochkoga ega bo'lgan, “Dinamo” esa 49 ochkoni qo'lga kiritgan. “Dinamo”ning “Buxoro” ustidan qozongan eng yirik g'alabasi 4:1ga teng bo'lsa, “Buxoro”ning samarqandliklar ustidan erishgan eng yirik g'alabasi – 6:0.

Ikkinchi turda Buxoroda o'tgan bahsning birinchi bo'limida “Dinamo” safida Nikolay CHipev gol urib hisobni ochgandi. Ikkinchi bo'limda Jamshid Hasanov hisobni tenglashtirgandi – 1:1. Qizig'i CHipev ikkinchi davrada “Buxoro” safida o'ynamoqda.

Samrqandda bo'lib o'tgan so'nggi besh uchrashuv:
02.11.2014 Dinamo - Buxoro 0:0
11.05.2013 Dinamo - Buxoro 1:0
20.06.2012 Dinamo - Buxoro 0:1
12.03.2011 Dinamo - Buxoro 0:1
09.10.2009 Dinamo - Buxoro 2:2

O'zaro o'yinlar haqida fakt: Samarqandda bo'lib o'tgan 20ta o'yinning 10tasida “Dinamo” g'alaba qozongan. To'rtta bahsda jamoalar durang o'ynashgan. 6ta uchrashuvda “Buxoro” safarda bo'lishiga qaramay uch ochkoga ega bo'lgan. Oxirgi ikki bahsda “Buxoro” Samarqandda gol ura olmagan.