Prevyu. "Buxoro" - "Paxtakor"

Buxoro (Buxoro) – Paxtakor (Toshkent)
16 avgust 2015. Buxoro. "Buxoro" stadioni. 18:30
Hakamlar: O. Tolibjonov (Toshkent), V. Lushin (Guliston), N. Ro'zimov (Toshkent), I. Ibragimov (Nukus)
Nazoratchi: I. Nexochin (Namangan).
O'zPFL vakili: A. Inoyatov.

“Buxoro” hamda “Paxtakor” oliy ligada 45 bora to'qnash kelishgan. SHulardan 32tasida “Paxtakor” g'olib bo'lgan, 7ta o'yinda g'olib aniqlanmagan. “Buxoro” hozirga qadar “Paxtakor”ni 6 marta mag'lub etgan. To'plar nisbati “Paxtakor” foydasiga 100:32 ni tashkil qilmoqda. O'zaro o'yinlarda “sherlar” 103 ochkoni, “Buxoro” esa 25 ochkoni qo'lga kiritgan.

“Paxtakor”ning “Buxoro” ustidan qozongan yirik g'alabasi – 8:0ga teng. “Buxoro”ning ushbu raqib ustidan qozongan eng yirik g'alabasi esa 2:0 bo'lib turibdi.

3-turda Toshkentda kechgan uchrashuv “Paxtakor” hujumchisi Igor Sergeevning benefisiga aylanib ketgandi. O'shanda terma jamoamiz hujumchisi uch bor buxoroliklar darvozasini ishg'ol qilgandi. Bunga Dilyaver Abibullaev chiroyli gol bilan javob qaytargandi xolos – 3:1.

Buxoroda bo'lib o'tgan so'nggi besh uchrashuv:
15.05.2014 Buxoro - Paxtakor 0:0
04.07.2013 Buxoro - Paxtakor 1:0
15.03.2012 Buxoro - Paxtakor 0:1
24.09.2011 Buxoro - Paxtakor 0:0
09.11.2009 Buxoro - Paxtakor 1:1

O'zaro o'yinlar haqida fakt: “Buxoro” o'z maydonida “Paxtakor”ni besh marta mag'lub etgan. Olti bor Buxoroda g'olib aniqlanmagan. “SHerlar” bu jamoa maydonidan 11 bor g'alaba bilan qaytishgan. Oxirgi ikki yilda “Paxtakor” Buxoroda gol ura olmagan.