Prevyu. "Buxoro" - "Navbahor"

Buxoro (Buxoro) – Navbahor (Namangan)
26 oktyabr 2015. Buxoro. "Buxoro" stadioni. 17:00
Hakamlar: M. Muhamedov (Toshkent vil.), D. Saylalov (Toshkent), A. Sidorov (Toshkent), R. Lutfulin (Toshkent)
Nazoratchi: A. Arutyunov (Toshkent).

Bu ikki klubning yo'llari oliy liga o'yinlarida 45 bor kesishgan. Ustunlik “Navbahor” tomonida. 45 o'yindan 24tasida vodiyliklarning qo'li baland kelgan bo'lsa, 14ta uchrashuvda “Buxoro” g'olib bo'lgan. Yana 7 uchrashuvda g'olib aniqlanmagan. To'plar nisbati ham “lochinlar” foydasiga. Namangan  klubi shu kunga qadar o'zaro o'yinlarda 86ta to'p kiritib o'z darvozasidan 52 marta to'p olib chiqqan. O'zaro o'ynlarda “Navbahor” 79 ochkoni, “Buxoro” esa 49 ochkoni qo'lga kiritgan.

“Navbahor” oliy ligada “Buxoro” ustidan 6:1 hisobida g'alaba qozongan. Bu o'zaro o'yinlardagi namanganliklarning eng yirik g'alabasidir. “Buxoro”ning o'zaro o'yinlardagi “Navbahor” ustidan erishgan eng yirik g'alabasi 3:0 bo'lib turibdi.

12-turda Namanganda o'tgan uchrashuvda tomoshabinlar to'rtta golning guvohi bo'lishgandi. O'yinda mehmonlar vakili Suxrob Nematov hisobni ochgan, bunga mezbonlar safida Sergey Georgiev, SHaxboz Erkinov va Ulug'bek Baqoev javob berishgan – 3:1.

Buxoroda o'tgan so'nggi besh uchrashuv:
23.03.2014 Buxoro - Navbahor 0:2
25.05.2013 Buxoro - Navbahor 1:1
29.09.2012 Buxoro - Navbahor 2:1
13.08.2011 Buxoro - Navbahor 1:1
30.10.2009 Buxoro - Navbahor 3:0

O'zaro o'yinlar haqida fakt: Buxoroda bo'lib o'tgan 22ta o'yinning 11tasida mezbonlar, 7tasida mehmonlar g'olib bo'lishgan. 4ta uchrashuvda g'olib aniqlanmagan. Oxirgi ikki yilda “Navbahor” safarda mag'lub bo'lmagan.