Prevyu. "Buxoro" - "Mashal"

Buxoro (Buxoro) – Mashal (Muborak)
25 sentyabr 2015. Buxoro. "Buxoro" stadioni. 18:00
Hakamlar: M. Muhamedov (Toshkent vil.), D. Saylalov (Toshkent), A. Sidorov (Toshkent), A. Rubakov (Toshkent)
Nazoratchi: R. Aytekov (Toshkent).
O'zPFL vakili: B. Mametov.

Bu ikki klub oliy ligada 27 bor kuch sinashishgan. Natijalar “Mashal”ning ustunligini ko'rsatmoqda. Muborakliklar 12 ta o'yinda g'alaba qozonishgan, 9 bahs durang bilan yakunlangan. 6 ta o'yinda “Buxoro” zafar quchgan. To'p kiritish borasida ham “Mashal” oldinda – 41:27. O'zaro o'yinlarda “Buxoro” 27 ochkoga ega bo'lgan, “Mashal” hisobida esa 45 ochko mavjud.

“Buxoro”ning “Mashal” ustidan qozongan eng yirik g'alabasi – 4:0. “Mashal”ning ham “Buxoro” ustidan o'zaro o'yinlardagi eng yirik muvaffaqiyati 4:0ni tashkil qiladi.

Birinchi davrada Muborakda bo'lib o'tgan bahsda jangovor durang qayd etilgan. Buxoroliklar safida Bogdan Xaushi va Jamoliddin Ubaydullaev, mezbonlardan Vladislav Ivanov va Zohir Qo'ziboev gol urishgandi – 2:2.

Buxoroda o'tgan so'nggi besh uchrashuv:    
01.06.2014 Buxoro - Mashal 3:4
07.04.2012 Buxoro - Mashal 1:1
28.05.2011 Buxoro - Mashal 2:0
16.05.2009 Buxoro - Mashal 1:1
29.03.2008 Buxoro - Mashal 0:0

O'zaro o'yinlar haqida fakt: Buxorodagi o'yinlarda mezbonlar 5 marta g'olib bo'lishgan. 5 bahsda durang qayd etilgan. “Mashal” ushbu raqib maydonidan uch marta safardan g'alaba bilan qaytgan. So'nggi ikki uchrashuvda “Buxoro” o'z uyida bu raqibni enga olmagan.