Prevyu. "Bunyodkor" - "Qizilqum"

Bunyodkor (Toshkent) – Qizilqum (Navoiy)
7 avgust 2015. Toshkent. "Jar" stadioni. 19:00
Hakamlar: O. Tolibjonov (Toshkent), A. Qo'ldashev (Buxoro), B. Qodirov (Buxoro), A. Najafaliev (Toshkent)
Nazoratchi: A. Arutyunov (Toshkent).

“Bunyodkor” va “Qizilqum” oliy ligada 17 bora to'qnash kelishgan. Ushbu o'yinlardan 14tasida poytaxtliklar g'olib bo'lishgan. 2 o'yin durang hisobida yakunlangan, “Qizilqum” oliy ligada hozirga qadar “qaldirg'ochlar”ni 1 marta mag'lub eta olgan.

“Bunyodkor” shu kungacha o'zaro o'yinlarda “Qizilqum” darvozasiga 42ta gol kiritgan, navoiyliklar esa “qaldirg'ochlar” darvozasini 9 bor ishg'ol qilishgan. “Oltin izlovchilar”  o'zaro o'yinlarda 5 ochko ishlab olgan bo'lishsa, “Bunyodkor” 44 ochkoni qo'lga kirita olgan. “Bunyodkor”ning oliy ligada “Qizilqum” ustidan erishgan eng yirik g'alabasi 5:1 ni tashkil qiladi. “Qizilqum”ning yagona va eng yirik g'alabasi - 1:0.
 
Dastlabki davrada Navoiyda o'tgan bahsda Vohid SHodievning 66 va 68-daqiqada urgan gollari “Bunyodkor”ga g'alaba keltirgan. Qizig'i o'sha o'yinda SHodiev qizil kartochka ham olgan edi.

Toshkentda o'tgan so'nggi besh uchrashuv:
15.03.2014 Bunyodkor - Qizilqum 2:1
29.10.2013 Bunyodkor - Qizilqum 4:0
17.11.2012 Bunyodkor - Qizilqum 3:0
09.09.2011 Bunyodkor - Qizilqum 3:1
23.04.2010 Bunyodkor - Qizilqum 1:1

O'zaro o'yinlar haqida fakt: “Bunyodkor” o'z uyida bo'lib o'tgan 8ta o'yinning 7tasida g'olib bo'lgan. 2010 yil “Qizilqum” safarda “qaldirg'ochlar” bilan safarda durang o'ynagan.