Prevyu. "Andijon" - "Metallurg"

Andijon (Andijon) – Metallurg (Bekobod)
16 oktyabr 2015. Andijon. "Sog'lom Avlod" stadioni. 16:00
Hakamlar: SH. Qosimov (Toshkent), D. Saylalov (Toshkent), A. Sidorov (Toshkent), A. Rubakov (Toshkent)
Nazoratchi: R. Aytekov (Toshkent).

“Andijon” va “Metallurg”oliy ligada jami 31 bora to'qnash kelgan. Kichik ustunlik “Metallurg” tomonida. 13ta o'yinda bekobodliklarning qo'li baland kelgan. 10ta o'yinda “burgutlar” g'olib bo'lishgan. Yana 8ta o'yinda durang natijasi qayd etilgan. To'plar nisbatida ham kichik ustunlik “Metallurg” tomonida 56:49. “Metallurg” o'zaro o'ynlarda 47, “Andijon” esa 38 ochkoni o'z hisobiga yozib qo'ygan.

“Metallurg”ning “Andijon” ustidan qozongan eng yirik g'alabasi –5:1. Andijonliklarning bu ko'rsatkichi esa 4:1 bo'lib turibdi.

10-turda Bekobodda o'tgan bahsda mezbonlar yirik hisobda zafar quchishgan. Murod Toshmatov va SHahzodbek Nurmatov dublga erishishgandi. Saidjon Abdujabborov bir marta mehmonlar darvozasiga to'p kiritgandi. “Burgutlar” safida Lochin Soliev penaltidan bir marta javob bergandi – 5:1.

Andijonda o'tgan so'nggi besh uchrashuv:
17.10.2014 Andijon - Metallurg 2:2
21.11.2012 Andijon - Metallurg 3:3
16.04.2011 Andijon - Metallurg 0:1
17.04.2010 Andijon - Metallurg 2:1
16.10.2009 Andijon - Metallurg 2:2

O'zaro o'yinlar haqida fakt: “Andijon” o'z uyida 9 marta muvaffaqiyat qozongan. Vodiyda 5 bor durang qayd etilgan. “Metallurg” bu raqib maydonidan faqat bir bor g'alaba bilan qaytgan (2011 yil). Oxirgi uch uchrashuvda “burgutlar” o'z maydonida “Metallurg”ni mag'lub eta olmayapti.