Prevyu. "Andijon" - "Dinamo"

Andijon (Andijon) – Dinamo (Samarqand)
5 noyabr 2015. Andijon. "Sog'lom avlod" stadioni. 14:00
Hakamlar: M. Muhamedov (Toshkent vil.), R. Serazetdinov (Toshkent), S. SHoyusupov (Toshkent), A. SHukurullaev (Toshkent)
Nazoratchi: A. Popov (Toshkent).

 “Andijon” va “Dinamo” oliy ligada 39 bora to'qnash kelishgan. Ushbu o'yinlardan 14tasida andijonliklar g'olib bo'lishgan. Etti o'yin durang hisobida yakunlangan. “Dinamo” shu kunga qadar oliy ligada “Andijon”ni 18 marta mag'lubiyatga uchrata olgan.

“Dinamo” shu kungacha o'zaro o'yinlarda “Andijon” darvozasiga 61ta gol kiritgan. “Andijon”ning gollari esa 50ta. “Burgutlar” o'zaro o'yinlarda 49 ochko ishlab olishgan bo'lsa, “arslonlar” 61 ochkoni qo'lga kirita olishgan. “Dinamo”ning oliy ligada “Andijon” ustidan erishgan eng yirik g'alabasi 6:1ni tashkil qiladi. “Andijon”ning samarqandliklar ustidan qozongan eng yirik g'alabasi esa – 4:1ga teng.

Dastlabki davrada “Dinamo” o'z muxlislari qarshisida zafar quchgan. Aziz Ibragimov va Otabek Zokirovning urgan gollariga “burgutlar” safida Temur Vasilev javob bergandi – 2:1.

Andijonda o'tgan so'nggi besh uchrashuv:
12.04.2014 Andijon - Dinamo 2:3
14.04.2012 Andijon - Dinamo 0:3
25.08.2011 Andijon - Dinamo 2:0
14.08.2010 Andijon - Dinamo 1:0
03.10.2009 Andijon - Dinamo 2:0

O'zaro o'yinlar haqida fakt: “Andijon” o'z uyida bo'lib o'tgan 19ta o'yinning 13tasida g'olib bo'lgan. Ikkita uchrashuvda durang qayd etilgan. “Dinamo” safarda 4 bor Andijondan uch ochko bilan qaytgan. Qizig'i vodiyda o'tgan oxirgi ikki o'yinda “arslonlar” safarda bo'lishiga qaramay g'alabaga erishishgan.