"Portu" mag'lubiyatsiz seriya bo'yicha Portugaliya chempionati rekordini o'rnatdi

Turnir jadvalida 6-o'rinda borayotgan "Gimaraysh" Portugaliya chempionatining 29-turi doirasida o'z maydonida chempionat peshqadami "Portu"ni qabul qildi. O'yin mehmonlarning 0:1 hisobidagi g'alabasi bilan yakunlandi.

Serjiu Konseysau shogirdlari milliy ligada 57 ta o'yinda mag'lubiyatga uchramadi, bu esa mutlaq rekord sanaladi.

Eng uzoq davom etgan mag'lubiyatsiz seriya bo'yicha avvalgi rekord "Benfika"ga tegishli edi. Lissabonliklar milliy chempionatda 56 ta o'yinda yutqazishmagan.

"Portu" 29 turdan so'ng milliy chempionatda eng yaqin taqibchisi "Sporting"ni 6 ochkoga ortda qoldirib, 1-o'rinni egallab turibdi.