PFL Superliga va Pro-liga klublarini ogohlantirdi

Odatda futbol klublariga tegishli bo'lgan infratuzilmalar yangi mavsum starti oldidan ko'zdan kechirib chiqilgan. Bazida stadionlar talabga javob bermasa ham, vaqt tig'izligi hisobidan nailoj jamoalarga chempionatda ishtirok etish uchun ruxsat berilgan.

Professional futbol ligasi Superliga va Pro-Liga klublarini ikki oy muqaddam yozma ravishda ogohlantirgan bo'lib, unga ko'ra sentyabr—oktyabr oylarida barcha jamoalar PFL komissiyasi tekshiruvidan o'tishi kerak edi. Bunda akademiya, stadion, baza va boshqa bir qator masalalar yuzasidan xulosa beriladi. Oldindagi yarim yil ichida mavjud kamchiliklar bartaraf etilmasa, u qanday klub bo'lishidan qatiy nazar jiddiy choralar ko'riladi.

Hozir birlamchi maqsad chempionlik yoki legioner futbolchilar hisobiga kuchayib olish emas, infratuzilmaga etibor qaratish bo'lishi kerak. Bungacha ham aytilganidek, “Paxtakor”, “Lokomotiv”, “Nasaf”, AGMK va “Qizilqum” futbol klublarining maydoni talabga javob beradi. Qolgan klublar esa buning ustida jiddiy ish olib borishi shart. SHuningdek, futbol akademiyasiga ega bo'lmagan klublar aynan sentyabr oyida bu boradagi rejasini taqdim etishi lozim. 2019 yilgi mavsumdan boshlab klublarning akademiyaga qancha mablag' sarf etayotgani masalasi jiddiy nazorat qilinadi. Akademiyasiga ega bo'lmagan klublar talab etilayotgan mablag'ni o'z akademiyasini qurish uchun yo'naltiradi.        

Futbol klublari bilishi lozimki, uchrashuvlar teletranslyaciyasi masalasida ham monitoring bo'ladi. Har bir stadion bu boradagi talablarga hurmat bilan yondoshishi shart. Ayniqsa, futzal klublari to'p surayotgan zallar va undagi uchrashuvlarni televidenie orqali ko'rsatish masalasi bunda alohida o'rin tutadi.