PFL No'mon Hasanovni bir uchrashuvga chetlatdi va 10 mln so'm jarimaga tortdi
10 apr 2019 15:26
Yangiliklar

PFL No'mon Hasanovni bir uchrashuvga chetlatdi va 10 mln so'm jarimaga tortdi

O'zPFL Tartib-intizom qo'mitasi Superliga 3-tur bahsi – AGMK hamda "Qo'qon-1912" jamoalari o'rtasida kechgan uchrashuvdagi xatti-harakatlari uchun No'mon Hasanovga nisbatan intizom jazosi qo'lladi va uni jarimaga tortdi.

Uchrashuv davomida qo'qonliklar ustozi hakam qarorlariga keskin etiroz va norozilik bildirgan. Jumladan, uchrashuvning 74-daqiqasida "Qo'qon-1912" darvozasiga belgilangan penaltidan keyin, texnik zonani tark etgan va uchrashuv bosh hakamiga keskin ravishda etiroz bildirgan. Ushbu vaziyat uchrashuv nazoratchisi va komissari raportida, shuningdek, uchrashuv videoyozuvida aks etgan.

Professional Futbol Ligasi vaziyatni o'rganib chiqdi va musobaqalar reglamentining 5.57 bandiga asosan murabbiyga nisbatan intizomiy chora qo'lladi. Unga ko'ra bosh murabbiy Tartib-intizom kodeksi 5.06 hamda 5.18 moddalariga asosan 1ta uchrashuvga chetlatildi hamda 10 mln so'm jarimaga tortildi.

Bunday vaziyat yana takrorlansa, PFL klub va murabbiyga nisbatan qattiqroq chora ko'rishi mumkinligi haqida ikkala tomonni qattiq ogohlantirdi.

FOTO Superliga: AGMK Olmaliqda "Qo'qon-1912"ga 7ta gol urdi, Polvonovdan penta-trik

Havola :

Manba : pfl.uz

Yangiliklarni Telegramda o'qing!

Reyting: +11