"Paxtakor" yoshlari "So'g'diyona" bilan durang o'ynadi

Qibraydagi bazada kechgan uchrashuvda Ilhom Mo'minjonov boshchiligidagi yoshlar jamoasi "So'g'diyona"ga qarshi maydonga tushdi. Birinchi bo'lim keskin kurashlar ostida kechib, 16-daqiqada Abdul Aziz Yusupov chiroyli zarba bilan hisobni ochdi. Tanaffusgacha hisobda o'zgarish bo'lmadi.

63-daqiqada Ravshan Xursanov aniq zarbasi bilan farqni ikkitaga oshirdi. SHundan so'ng maydonga yanada yosh futbolchilar tushirildi. Bundan esa oliy liga ishtirokchisi unumli foydalandi. 72-daqiqada Jasur Hakimov hisobni qisqartirdi. Oxirgi daqiqalarda jizzaxliklar muvozanatni tiklashdi. SHunday qilib, uchrashuv 2:2 hisobida tugadi. Navbatdagi nazorat bellashuvini "Paxtakor" yoshlari 24 iyul kuni "Dinamo"ning asosiy tarkibiga qarshi o'tkazadi.