"Paxtakor" yoshlar ligasida 8-bor chempionga aylandi!

Bungacha "Paxtakor" 2002, 2003, 2004, 2005, 2006, 2010 va 2012 yillarda yoshlar ligasida mavsumni eng yuqori pog'onada yakunlashgandi. Bu safar esa 8-chempionlik qo'lga kiritildi. Ushbu ko'rsatkich bo'yicha "Paxtakor" 7 chempionlikka ega "Neftchi"dan o'tib ketdi. "Bunyodkor" yoshlari 5 bor g'olibga aylanganlar.

Mavsumni barqaror o'tkazgan "Paxtakor" yoshlar jamoasi 6 yillik tanaffusdan keyin yana liganing eng kuchli jamoasi nomini o'ziga qaytarib oldi. Ushbu muvaffaqiyat qo'lga kiritilishida klub rahbariyatidan tortib akademiya xodimlarining xizmatlarigacha etirof etib o'tish lozim. Stanislav Kudryashov boshchiligidagi jamoa mavsum tugashidan 4 tur avval peshqadamlikni naqd qilib qo'yishga erishdi.