"Paxtakor" va UCELL: hamkorlikning yangi ufqlari

Har haftaning chorshanba va shanba kunlari FM -102.7 "Vodiy Sadosi" radiosida “UCELL to'lqinlarida” dasturi efir yuzini ko'rmoqda. "Paxtakor" klub hujumchisi Temur Hakimov va klubimiz matbuot xizmati rahbari Nodir Abduqodirov mazkur dasturning sport olamiga mansub birinchi mehmonlari bo'ldilar. Xujumchimiz suhbat davomida o'z klubi va olimpiya terma jamoasidagi faoliyati xaqida malumotlar berdi. Dastur boshlovchilari Rustam Xudoyberganov va Sasha Demidovalar mehmonlarning jahon chempionati-2014 to'g'risidagi fikrlari bilan qiziqdilar. Suhbat juda samimiy kechdi desak, mubolag'a bo'lmaydi. Radiostanciya tinglovchilari SMS orqali futbolchimizga o'z savollari bilan murojaat qilish imkoniyatiga ega bo'lishdi. Temur Hakimov tomonidan eng yaxshi savol egasi deb topilgan inson tashkilotchilar tomonidan esdalik sovg'asi sohibiga aylandi.

Takidlash lozim, “Vodiy Sadosi” radiostanciyasi va UCELL mobil aloqa operatori "Paxtakor" futbol klubi hamkorlari hisoblanib, klubimiz tomonidan o'tkazilayotgan ko'plab tadbirlarda ishtirok etib kelishmoqda. Bunday tadbirlardan biri "Sog'lom bola yili" munosabati bilan o'tkazilayotgan “Omadli muxlis” ijtimoiy akciyasidir. "Paxtakor"ning ko'plab muxlislari bu akciya ishtirokchisi va g'olibiga aylanib bizning klubimiz va hamkor tashkilotlar tomonidan taqdim etilgan sovg'alar egasiga aylandilar.

O'z navbatida biz samimiy va qiziqarli suhbat tashkil qilgan "Vodiy sadosi" radiosi ijodiy jamoasiga minnatdorchilik izhor qilamiz.