Pavel Smolyachenko “Neftchi”da

Abdusamad Do'rmonov boshqaruvidagi “Neftchi” tarkibida etiborga molik o'zgarishlar yuz bermoqda. Avvalroq xabar berganimizdek, jamoaning sobiq futbolchilari – Mansur Saidov bilan Otabek Zokirov “Neftchi” tarkibiga qaytib kelgandi. Yaqinda ularning safiga Pavel Smolyachenko kelib qo'shildi. Markaziy yarim himoyachi aynan “Neftchi” klubi tarbiyalanuvchisi hisoblanadi. So'nggi paytlarda Smolyachenko faoliyatini xorijda davom ettirib kelayotgandi. Aftidan 29 yoshli futbolchi O'zbekistonga qaytib, PRO-Liga qatnashchisi “Neftchi”da o'ynashga qaror qilgan ko'rinadi.

Farg'onaliklar safida bir qator yo'qotishlar mavjud. Jamoaning iqtidorli himoyachisi SHodiyor Hojimatov kuni-kecha “Qo'qon-1912” o'quv-yig'in mashg'ulotlariga borib qo'shilgan bo'lsa, chap qanot yarim himoyachisi Ibrohim No'monov “Mashal” klubiga ijaraga berildi. SHuningdek markaziy yarim himoyachi Javohir Rasulov erkin agent sifatida jamoa bilan xayrlashdi.