Parij-2024. Raqib futbol jamoasi mashg'ulot maydoniga dron uchirgan mamlakat xodimlari turnirdan chetlatildi

Kanada ayollar terma jamoasi bosh murabbiyi Beverli Pristman o'z jamoasining Yangi Zelandiyaga qarshi Olimpiada o'yinlarining dastlabki turida ishtirok etmaydi, chunki uning yordamchisi Jasmin Mander va "akkreditaciyadan o'tmagan tahlilchi" Jozef Lombardi raqib jamoa mashg'ulot o'tkazayotgan maydon ustidan dron uchirganlikda ayblanib, o'z mamlakatiga jo'natib yuborilgan.

Yangi Zelandiya olimpiya qo'mitasi voqea haqida policiya va Xalqaro Olimpiya qo'mitasiga xabar yo'llagan. FIFA mazkur holat bo'yicha intizomiy choralar ko'rishini malum qildi.

Kanada Olimpiya qo'mitasi ikki nafar xodimni jamoadan chetlashtirish choralarini ko'rganini aytdi.

43 yoshli Lombardi dushanba kuni Sent-Eten shahridagi Yangi Zelandiya mashg'ulot maydoni ustida dron uchirgani uchun sakkiz oylik shartli qamoq jazosiga hukm qilindi.

Kanada terma jamoasi bosh murabbiyi Pristman o'z bayonotida payshanba kuni Yangi Zelandiyaga qarshi o'yinda "ixtiyoriy ravishda ishtirok etmaslikka" qaror qilganini aytdi.

"Butun jamoamiz nomidan, birinchi navbatda, Yangi Zelandiya futbolchilari va xodimlaridan hamda Kanada jamoasi o'yinchilaridan uzr so'rayman. Bu bizning jamoamiz tomonidan qo'llab-quvvatlanadigan qadriyatlarni aks ettirmaydi", dedi Pristman.

Eslatib o'tamiz, "A" guruhidan o'rin olgan Kanada — Yangi Zelandiya uchrashuvi soat 20:00 da boshlandi.