O'zbekistonlik to'purarga OFK sovrini topshirildi
26 jan 2018 15:28
Yangiliklar

O'zbekistonlik to'purarga OFK sovrini topshirildi

O'tgan yili Taylandda bo'lib o'tgan U-20 Osiyo chempionatida O'zbekiston terma jamoasi qatnashib, 4-o'rinni qo'lga kiritgan edi.

O'sha musobaqada terma jamoamiz hujumchisi Akbar Usmonov 13ta gol bilan Osiyo chempionatining to'purariga aylangandi. Bugun O'zbekiston Futbol Associaciyasida Akbar Usmonovga ushbu sovrinni topshirish marosimi bo'lib o'tdi. Marosimda O'FA vice-prezidenti SHoakrom Isroilov sovrinni terma jamoamiz hujumchisiga taqdim etdi.

"Musobaqa to'purari bo'lish juda yoqimli. Bu sovrin menga katta masuliyat yuklaydi. Kelgusi musobaqalarda ham muvaffaqiyatli ishtirok etib, terma jamoamiz tarkibida ko'plab gollar kiritishni maqsad qilib qo'yganman. O'z o'yinim bilan murabbiylar va muxlislar ishonchini oqlashga harakat qilaman.

Avgustda bo'lib o'tadigan futzal klublari o'rtasidagi Osiyo chempionlar ligasida "Olmaliq" tarkibida yaxshi natijalar qayd etish niyatidaman", - deydi Akbar Usmonov.

Akbar Usmonov 2014 yil faoliyatini "Paxtakor" futzal jamoasida boshlagan. 2016 yilda "Olmaliq" bilan shartnoma imzolagan. 2017 yilgi mavsumni "Ardus" tarkibida ijara asosida o'tkazib, keyin yana "Olmaliq" tarkibiga qaytgan. O'zbekiston U-20 tarkibida Osiyo chempionatida qatnashib, eng yaxshi to'purar bo'lgan.