O'zbekistonlik futbolchilar Toshkentda Rossiya bilan o'ynashadi
05 apr 2017 10:13
Yangiliklar

O'zbekistonlik futbolchilar Toshkentda Rossiya bilan o'ynashadi

Jasur Abduraimov bosh murabbiyligidagi O'zbekiston yoshlar terma jamoasi shu yilning 27 may kuni Toshkent shahrida Rossiya U-21 termasiga qarshi o'rtoqlik o'yini o'tkazadi.

Tomonlar kelishuviga ko'ra, bo'lajak uchrashuvda har ikki jamoaning 1996–1997 yillarda tavallud topgan (yoki undan kichik bo'lgan) futbolchilari ishtirok etadi.
Qayd etish joiz, Rossiyaning 1996 yilda tavallud topgan futbolchilardan iborat U-16 termasi 2012 yili Evropa chempioni bo'lgan. O'sha yili O'zbekiston U-16 Osiyo chempionatida g'olib bo'lgandi.
Rossiya yoshlariga qarshi o'rtoqlik uchrashuvi Jasur Abduraimov shogirdlari uchun 2018 yili Xitoyda bo'lib o'tadigan U-23 Osiyo chempionatiga saralash bosqichi uchun tayyorgarlik vazifasini o'taydi. Saralash bosqichi shu yilning 15–23 iyul kunlari BAAda bo'lib o'tadi.

Havola :

Manba : UFF

Yangiliklarni Telegramda o'qing!

Reyting: +20