O'zbekistonga qarshi bahsda ishtirok etgan "Real" tarbiyalanuvchisi "Qirollik klubi"ni tark etmoqchi
30 mar 11:58
Yangiliklar

O'zbekistonga qarshi bahsda ishtirok etgan "Real" tarbiyalanuvchisi "Qirollik klubi"ni tark etmoqchi

"Real"ning 16 yoshli vakili Yago klubdagilarning unga bo'lgan munosabatidan norozi va u jamoasini o'zgartirmoqchi.

Malumotlarga ko'ra, hujumkor yarim himoyachi Paulo Yago atrofidagilarga boshqa klubga o'tib, unga ishonch bildiradiganlar bilan ishlashni xohlayotganini aytgan.

Ispaniya U17 terma jamoasi vakili Madrid klubidagilarning unga bo'lgan munosabati yoqmayapti. Yago va "Real" o'rtasidagi bitim 2025 yil yozida yakuniga etadi.

Futbolchi hozircha asosiy tarkib yoki ikkinchi jamoa safida maydonga tushgani yo'q. Bundan tashqari, u Alvaro Arbeloa boshqarayotgan 19 yoshgacha bo'lgan jamoa tarkibida ham doimo ko'rinish bermayapti.

Yagoga Germaniya, Ispaniya, Franciya va Angliyaning top klublari qizish bildirmoqda.

Eslatib o'tamiz, Paulo Yago Indoneziyada o'tgan U17 jahon chempionatida ishtirok etib, guruh bosqichida O'zbekison o'smirlariga qarshi bahsda qatnashgan edi. O'sha o'yin 2:2 hisobida yakun topgan.