O'zbekiston U-20 terma jamoasi o'rtoqlik o'yinida Ozarbayjon yoshlarini mag'lub etdi

Ayni kunlarda Turkiyada yangi yildagi ilk yig'inini o'tkazayotgan O'zbekiston U-20 terma jamoasi kecha Ozarbayjon yoshlar terma jamoasiga qarshi o'rtoqlik uchrashuvida maydonga tushdi. Ushbu uchrashuv Ravshan Haydarov shogirdlarining ustunligida va terma jamoa O'zbekiston yoshlar terma jamoasi 3:1 hisobida g'alaba qozondi.

O'zbekiston yoshlar terma jamoasining gollariga Javohir Siddiqov, Eldor SHomurodov va Doston Hamdamovlar mualliflik qilishdi.

Ravshan Haydarov jamoasi bungacha yig'in davomida 22 yanvar kuni Ukraina U-21 terma jamoasiga qarshi o'rtoqlik uchrashuvida maydonga tushib 1:1 hisobida durang o'ynagan edi.

Malumot uchun, 31 yanvargacha davom etadigan yig'in davomida O'zbekiston U-20 terma jamoasi Ukraina yoshlariga qarshi yana bir o'rtoqlik uchrashuvida maydonga tushadi. Rejaga ko'ra ushbu terma jamoalar o'rtasidagi ikkinchi o'rtoqlik o'yini 28 yanvar kuni bo'lib o'tadi. O'zbekiston yoshlar terma jamoasi shuningdek, 25 yanvar kuni Singapur U-20 yoshlar terma jamoalariga qarshi o'rtoqlik uchrashuvlarida maydonga tushishi rejalashtirilgan.

Eslatib o'tamiz, O'zbekiston U-20 terma jamoasining Turkiyadagi yig'iniga jami 22 nafar futbolchi jalb etilgan.

O'rtoqlik uchrashuvi.
24 yanvar. Istanbul, Turkiya.
O'zbekiston U-20 - Ozarbayjon U-20 3:1
Gollar: Javohir Siddiqov, Eldor SHomurodov, Doston Hamdamov.