O'zbekiston U-19 o'rtoqlik uchrashuvida Tailand yoshlarini mag'lubiyatga uchratdi

Ravshan Haydarov bosh murabbiyligidagi O'zbekiston U-19 yoshlar terma jamoasi 17 sentyabr kuni Tailand poytaxti Bankok shahriga jo'nab ketgani haqida xabar bergan edik. Rejaga ko'ra, mazkur yig'in davomida O'zbekiston yoshlar terma jamoasi mezbon - Tailand U-19 yoshlar terma jamoasiga qarshi ikkita o'rtoqlik uchrashuvini o'tkazishi belgilangan edi.

19 sentyabr kuni terma jamoalar o'zaro ilk o'yinda maydonga tushishdi va ushbu o'yin Ravshan Haydarov shogirdlarining 2:0 hisobidagi g'alabasi bilan yakuniga etdi. O'yinning 71-daqiqasida Doston Hamdamov va 74-daqiqada Otabek SHukurovning gollari evaziga O'zbekiston U-19 yoshlari o'yinda 2:0 hisobida g'alabaga erishgan.

Takidlash lozim, O'zbekiston va Tailand yoshlar terma jamoalari 21 sentyabr kuni o'zaro ikkinchi o'rtoqlik uchrashuvida maydonga tushishadi.

Eslatib o'tamiz, O'zbekiston U-19 yoshlar terma jamoasi 9-23 oktyabr kunlari Myanmada o'tkaziladigan yoshlar o'rtasidagi OCH final bosqichida ishtirok etadi.

O'rtoqlik uchrashuvi.
19 sentyabr, Bankok, Tailand.
Tailand (U-19) - O'zbekiston (U-19) - 0:2
Gollar: Doston Hamdamov (71), Otabek SHukurov (74)