O'zbekiston U-19 ayollar terma jamoasi tiklanish mashqlarini olib bordi

Terma jamoa azolari tiklanish mashqlarini bajarishdi. Xitoyga qarshi asosiy tarkibda maydonga tushgan futbolchilar engil mashg'ulot olib borishgan bo'lsa, qolgan futbolchilar odatiy ravishda mashqlarda qatnashishdi.

Takidlash kerakki, o'zbekistonlik futbolchi qizlar ilk o'yinda musobaqa mezboni Xitoy terma jamoasiga engilishgan bo'lsa-da, ular namoyish etgan o'yin ko'pchilikda ijobiy taassurot qoldirdi. Bu holatni kecha terma jamoa bosh murabbiyi Bahrom Norsafarov bilan suhbatlashish uchun delegaciya azolari istiqomat qilayotgan olimpiya shaharchasiga tashrif buyurgan Osiyo Futbol Konfederaciyasi vakillari ham etirof etishdi.

OFk vakillari Bahrom Norsafarov bilan suhbatda qanday qilib qisqa muddat ichida O'zbekistonda ayollar futbolining saviyasi bu qadar oshgani, terma jamoa futbolchilarini muhim musobaqalarga ruhiy, jismoniy va taktik jihatdan tayyorlashda qanday chora-tadbirlar qo'llangani bilan qiziqishdi. O'z o'rnida, bosh murabbiy OFK rasmiylariga o'z tajribalari bilan o'rtoqlashdi hamda ayollar futbolini rivojlantirish borasida O'FF tomonidan amalga oshirilayotgan ishlar, yaratib berilayotgan shart-sharoitlar haqida so'zlab berdi.

OFK vakillari O'zbekiston U-19 ayollar terma jamoasi bosh murabbiyi bilan bir yarim soatdan ortiq davom etgan suhbat davomida tilga olingan muhim malumotlar mintaqamizda ayollar futbolini rivojlantirishda muhim omillardan biri bo'lishini takidlab o'tishdi.

O'zbekiston U-19 ayollar termasi bugun,  SHimoliy Koreyaga qarshi o'yin oldidan so'nggi mashg'ulotni o'tkazadi. O'yin 18 oktyabr, chorshanba  kuni Toshkent vaqti bilan soat 16:00da boshlanadi.