O'zbekiston U-18 futbolchisi Abdulloh Omonaliev: "Ortga sovrin bilan qaytishni maqsad qilganmiz"
27 may 2023 21:35
Yangiliklar
O'zbekiston U-18 futbolchisi Abdulloh Omonaliev: "Ortga sovrin bilan qaytishni maqsad qilganmiz"
Vakillarimiz kuni kecha mezbonlar bilan kuch sinashishdi (1:1), oldinda esa ularni Afg'onistonga qarshi bahs kutmoqda. Mazkur o'yin oldidan terma jamoa futbolchisi Abdulloh Omonalievning fikrlari bilan qiziqdik.
- CAFA musobaqasi qanday taassurot qoldirmoqda?
- Turnir yaxshi o'tmoqda. Barcha sharoitlarni yaratib berishyapti, deya olaman. 3ta uchrashuv o'tkazdik, ertaga so'nggi o'yinimiz. G'alaba qozonib ortga sovrin bilan qaytishni maqsad qilganmiz.
- Tojikiston bilan so'nggi daqiqalarda mag'lubiyatdan qutulib qoldik. Turli buyumlar otilganini futbolchilar qanday qabul qildi?
- Ochig'i bunday holat yuz berishini kutmagandik. Biz goldan so'ng hissiyotlarimizni yashira olmasdik.

Abdulloh Omonaliev 2-raqam
- Uchrashuvlar qanday maydonlarda o'tmoqda?
- Maydonlar yaxshi, deb o'ylayman. Aslida CAFA turnirlari suniy maydonda o'tishi kerak edi. Bizni o'ylab tabiiy maydonga ko'chirishdi. Tashkilotchilarga buning uchun minnatdorchilik bildiramiz.
- Afg'oniston bilan uchrashuvga tayyorgarlik qanday ketyapti? Raqibning darajasi futbolchilarning haddan ortiq xotirjamlikka berilishiga sabab bo'lmayaptimi?
- Tayyorgarlik alo darajada. Barcha jamoaga bir hilda munosabatda bo'lamiz. Bu hali boshlanishi. Oldinda bizni katta maqsadlarimiz kutyapti. SHu bois bo'shashmasligimiz zarur.
O’xshash yangiliklar
championat.asia
Суперлига. Чемпионлик учун курашаётган "Насаф" ўз майдонида "Машъал"га мағлуб бўлди
Суперлига. "Бухоро" ўз уйида бир киши кам "Нефтчи"дан очко тортиб олди
ЖЧ U-17. Ўзбекистон Ирландияга имкониятни бой берди
Эшитдик-да! Кападзе Ўзбекистон терма жамоасидан кетди
Fikrlar