O'zbekiston MTJ yig'inni boshladi. SHomurodov, Yaxshiboev hamda Yo'ldoshev ertaga keladi

Biroz avval bosh murabbiy Srechko Katanecning yig'inoldi fikrlarini etiboringizga havola etgan edik.

Srechko Katanec: "Hujum chizig'imiz yaxshi holatda, ammo himoyada katta muammolarimiz bor"

Bugun Srechko Katanec boshchiligidagi terma jamoamiz dastlabki mashg'ulotni o'tkazmoqda. "Paxtakor" stadionida o'tayotgan mashg'ulot 17:15da start olgan.

Yig'inga chaqirilgan yakuniy ro'yxatdagilardan faqat SHahboz Umarov betob bo'lib qolgani sabab yig'inga kela olmadi.

O'zbekiston MTJ. SHahboz Umarov koronavirusga chalindi va terma jamoa ixtiyoriga kela olmadi

Umarovdan tashqari 22 nafar o'yinchi orasidan faqat Eldor SHomurodov, Jasur Yaxshiboev hamda Ibrohimhalil Yo'ldoshev bugungi mashg'ulotda ishtirok etishmadi. Ularning har uchchalasi ham terma jamoa yig'iniga ertaga kelib qo'shilishadi. 19 nafar futbolchi esa mashg'ulotda to'liq ishtirok etdi.

Bugungi mashg'ulotda ishtirok etgan futbolchilar:

Darvozabonlar: Eldorbek Suyunov ("Paxtakor"), Valijon Rahimov (AGMK), O'tkir Yusupov ("Navbahor")

Himoyachilar: Farruh Sayfiev ("Paxtakor"), Davronbek Hoshimov ("Navbahor"), Islomjon Qobilov ("Lokomotiv"), Marlen CHobanov ("Paxtakor"), Dostonbek Tursunov ("CHuncin Lifan"), Abdulla Abdullaev ("Bunyodkor")

Yarim himoyachilar: Odiljon Hamrobekov ("Paxtakor"), Ikrom Aliboev ("Tejon", Janubiy Koreya), Otabek SHukurov ("Al SHarja", BAA), Abror Ismoilov ("Paxtakor"), Dostonbek Hamdamov ("Paxtakor"), Aziz G'aniev ("SHabab Al Ahli", BAA), Jaloliddin Masharipov ("Al Nassr", Saudiya Arabistoni), Hojimat Erkinov ("Paxtakor")

Hujumchilar: Igor Sergeev ("Tobol", Qozog'iston)

Eslatib o'tamiz, Eldor SHomurodov kecha Italiya A Seriyasi 12-turi doirasida "Veneciya"ga qarshi bahs (2:3)da gol urdi va Temmi Abraxamning goliga pas berdi. Ibrohimhalil kecha Rossiya chempionati 14-turi doirasida "Axmat"ga qarshi uchrashuv (1:3)da to'liq harakat qildi. Jasur esa 6 noyabr kuni Moljova chempionati 17-turi doirasida "Zimbru" qarshi o'yin (6:0)da 59 daqiqa o'ynagan va jamoasining ikkinchi hamda beshinchi gollariga pas bergan.