O'zbekiston milliy terma jamoasi BAAga jo'nab ketdi
12 noy 2017 09:14
Yangiliklar
O'zbekiston milliy terma jamoasi BAAga jo'nab ketdi
12 noyabr kuni futbol bo'yicha O'zbekiston milliy terma jamoasi Toshkent Xalqaro Aeroportidan BAAga uchib ketdi.
10 noyabrdan beri bosh murabbiy vazifasini bajaruvchi Ro'ziqul Berdiev qo'l ostida mashg'ulotlar olib borayotgan milliy terma jamoamiz 14 noyabr kuni BAA terma jamoasiga qarshi o'rtoqlik o'yinini o'tkazadi.
Avvalroq, Ro'ziqul Berdiev ushbu uchrashuvga 23 nafar futbolchini jalb qilgani xaqida xabar bergan edik. Qayd etish kerak, ushbu uchrashuv Ro'ziqul Berdievning terma jamoa bosh murabbiyligidagi ilk o'yini bo'ladi.
Eslatib o'tamiz BAAning Al-Ayn shahridagi “Xalifa Bin Zayd” stadionida bo'lib o'tadigan BAA va O'zbekiston terma jamoalari o'rtasidagi o'rtoqlik uchrashuvi 14 noyabr kuni Toshkent vaqti bilan soat 18:00da boshlanadi.
Fikrlar