O'zbekiston futzal terma jamoasi ertaga yig'inga kirishadi
09 apr 21:59
Yangiliklar

O'zbekiston futzal terma jamoasi ertaga yig'inga kirishadi

Teglar : O'zbekiston futzal terma jamoasi

Xitoyga qarshi safarda ikkita nazorat chrashuvini o'tkazib qaytgan O'zbekiston terma jamoasi ertaga navbatdagi o'quv-mashg'ulot yig'inini boshlaydi.

Mazkur yig'in 16 aprel sanasiga qadar davom etadi.

Yig'in davomida Nodir Eliboev shogirdlari poytaxtimizda qo'shni mamlakat – Tojikiston Respublikasi milliy terma jamoasiga qarshi o'rtoqlik uchrashuvida maydonga tushishi rejalashtirilgan. Nazorat o'yinlari 13 va 15 aprel kunlari bo'lib o'tadi.

Eslatib o'tamiz, har ikki bahs Toshkent axborot texnologiyalari universiteti sport zalida bo'lib o'tadi. 13 aprel sanasidagi bahs 16:00da start olsa, 15 aprelga belgilanlan o'yin 17:00da boshlanadi.

Mazkur yig'inga chaqirilgan futzalchilar:
Darvozabonlar – Abbos O'lmasbekov (BMB), Abbos Elmurodov (BMB), Shavkat Ibragimov (“Dinamo”);
Himoyachilar – Ilhomjon Hamroev (“Oil Star”), Mashrab Odilov (BMB), Shahzod Sadiev (BMB);
Qanot hujumchilari – Akbar Usmonov (SQB), Mehroj Yunusov (“Oil Star”), Behruz Samiev (“Oil Star”), Eldor Nig'matov (“Lokomotiv”), Doniyor Saidahmedov (SQB), Orzujon Asqarov (“Oil Star”), Shahram Faxriddinov (OKMK), Husniddin Nishonov («Viten», Belorus);
Hujumchilar: Davlat Ibragimov (BMB), Artur Umurov (“Oil Star”), Muzaffar Ahadjonov (BMB).