"Oston O'runov nega Olimpiya terma jamoamizga chaqirilmadi?" Bu savolga Drulovich javob berdi
30 jan 2020 16:58
Yangiliklar

"Oston O'runov nega Olimpiya terma jamoamizga chaqirilmadi?" Bu savolga Drulovich javob berdi

Tailandda o'tkazilgan U-23 Osiyo chempionatida O'zbekiston to'rtinchi o'rinni egalladi.

Bir qadam qolganda yana Olimpiadaga chiqa olmadik. Agar 3-o'rin uchun kechgan bahsda Avstraliyani mag'lub etganimizda Tokioda bo'lib o'tadigan Olimpiya o'yinlariga boradigan Osiyoning uchinchi jamoasi bo'lardik.

Xabaringiz bor, bugun O'zbekiston U-23 terma jamoasi bosh murabbiyi Lyubinko Drulovich ishtirokida so'nggi matbuot anjumani o'tkazildi. Matbuot anjumanida endilikda sobiq murabbiyga bir qator savollar berildi.

"Afsuski, eng katta orzumizdan quruq qoldik". Lyubinko Drulovich so'nggi matbuot anjumanida nimalar dedi? (to'liq)

Anjuman o'z yakuniga etgach, serbiyalik murabbiy bilan alohida suhbatlashdik va undan Oston O'runov nima uchun terma jamoaga jalb qilinmaganini so'radik. Murabbiy bu savolga shunday javob berdi:

"Albatta, Oston kuchli futbolchi va uning o'yinlarini doim kuzatib keldim. Lekin qo'l ostimdagi futbolchilar ham yaxshi edi. U-23 Osiyo chempionatida to'rt nafar kuchli yarim himoyachi ishtirok etdi: Aziz G'aniev, Abdulla Abdullaev, Oybek Bozorov va Abror Ismoilov. Bu futbolchilarning hech birini Oston O'runovdan kuchsiz demagan bo'lardim".