"Olmaliq": "Terek" bilan jangovor durang

Bu gal Rossiya premer ligasi vakili Grozniy shahrining "Terek" jamoasi raqib bo'ldi.

O'yin tafsilotlariga to'xtaladigan bo'lsak, maydonda hujumkor futbol namoyish etildi. Raqibdan hech bir jabhada qolishmagan "Olmaliq" futbolchilari ancha faol o'yin ko'rsatishdi. Jamoa hujumlaridan biri samarasiz yakunlangan holatda "Terek" futbolchilari tezkor qarshi hujumda gol urishga erishishdi. Bu 42-daqiqaga to'g'ri keldi.

Ikkinchi taymda ham hujumkorlik dastlabki taymdan kam bo'lmadi. 54-daqiqada Kamoliddin Murzoev raqib xatosini gol bilan jazoladi. Bahsning 70-daqiqasida raqibimiz yana hisobda oldinga chiqib oldi. Oradan ikki daqiqa o'tib jamoamiz hujumini qo'pollik bilan to'xtatib qolgan "Terek" azosi maydondan chetlatildi. Kelishuvga ko'ra maydondan haydalgan futbolchi o'rniga zaxiradan boshqa futbolchi "Terek" safini to'ldirdi. Hisobda ortda qola boshlagan "Olmaliq" hujumkorlikni oshirdi. Bu o'yinning so'nggi daqiqasida Jahongir Abdumo'minov tomonidan urilgan gol bilan yakun topdi. Yakuniy hisob - 2:2.

Vaziyatlar bo'yicha raqibdan biroz ustunlikka erishgan jamoa futbolchilari o'yindan-o'yinga hamjihatlik va shiddatkorlikni oshirishmoqda.

O'yinda "Olmaliq" sharafini quyidagi futbolchilar himoya etishdi.

"Olmaliq": Temur G'aniev, Salamat Qutiboev, Evgeniy Gogol, Adrian Kashkaval, Islom Inomov, SHavkat Salomov (Diyor Turopov, 46), Jahongir Abdumo'minov, G'ulom O'runov, Arslonmurod Omonov, Kamoliddin Murzoev (Azamat Isroilov, 75), Nemanya Yovanovich.

Jamoa 1 martga qadar Antaliyada yana ikkita nazorat o'yini o'tkazadi. Navbatdagi o'yinlar sanasi va raqiblar haqida keyinroq saytimiz orqali xabar beramiz.