"Olmaliq": Navbatdagi yig'in boshlandi, bugun "Metallurg" bilan o'yin

O'zbekiston mehmonxonasida istiqomat qilayotgan jamoa, mashg'ulotlarni odatdagidek CHilonzordagi suniy qoplamali maydonda olib bormoqda. 15-27 yanvar kunlari o'tkazilgan yig'indan so'ng jamoa safini bir qator futbolchilar tark etishdi. Elbek Ochilov, Akmal Bozorov, Saydulla Rahmatov va Nurlibek Talasbaevlar ko'rikda bo'lib turishgandi. SHuningdek, moldovalik futbolchi Adrian Kashkaval ham o'z yurtiga jo'nab ketdi. Uning jamoamiz safiga qo'shilishi yoki qo'shilmasligi yaqin kunlarda hal bo'ladi.

Kunning ikkinchi yarmida o'tgan mashg'ulotlarda quyidagi futbolchilar ishtirok etishdi: darvozabonlar Umid Xonimqulov, Akmal Ortiqov, Nikita SHkvirin, Timur G'aniev, SHoxruh Eshbo'taev, himoyachilar Abduqahhor Hojiakbarov, Sarvar Jo'raev, Azamat Isroilov, Islom Inomov, Salamat Quttiboev, Abdumalik Toshpo'latov, Evgeniy Gogol, yarim himoyachilar Sanat SHixov, G'ulom O'runov, Sunnatilla Mamadaliev, Azamat Bobojonov, Muhammad Isaev, Nikita Pavlenko, Zohir Pirimov, hujumchilar Islom Isoqjonov, Maruf Tillaev, Doniyor Ismoilov, Nemanya Yovanovich.

Diyor Turopov va Jahongir Abdumo'minov O'zbekiston yoshlar terma jamoasi (U-22)ga chaqirilgan. Ular terma jamoa tarkibi bilan Tailandga jo'nab ketishdi.


Bugun "Olmaliq" Bekobodning "Metallurg" jamoasi bilan nazorat o'yini o'tkazadi.

O'yin soat 15:00da CHilonzordagi suniy qoplamali maydonda bo'lib o'tadi.