Oliy liga-2015 yakunlari. "Lokomotiv" haqida

Mavsum
CHempionatni ikkita durang bilan boshlagan "Lokomotiv" so'nggi turga qadar "Paxtakor" bilan chempionlik uchun kurash olib bordi. "Temiryo'lchilar" har bir davrada bir martadan yutqazishdi. Qarshida "Nasaf"ga va Toshkent derbisida "Paxtakor"ga. "Loko" o'z maydonida hech bir uchrashuvda yutqazgani yo'q. 25-turda "Qo'qon-1912" mehmoni bo'lib qimmatli ikki ochkoni yo'qotgan jamoa yakunda aynan shu ochkolar tufayli chempion bo'la olmadi.



Murabbiylar
Mavsum davomida jamoani ikki murabbiy boshqardi. Aynan Qo'qondagi durangdan so'ng rahbariyat Vadim Abramovni istefoga chiqardi. Uning ishini Andrey Miklyaev davom ettirdi. Kuni kecha keyingi yil "Lokomotiv"ni Mirko Yelichich boshqarishi elon qilindi.



Etakchi
Temur Kapadze. "Paxtakor" va "Bunyodkor" klublari safida bir necha yillar davomida to'p tepgan tajribali yarim himoyachi bu yil "Lokomotiv"ga ko'chib o'tdi. O'zbekiston milliy terma jamoasida o'yin o'tkazish bo'yicha rekordchi bo'lgan Kapadze "temiryo'lchilar"ning sardoriga aylandi. Futbolchi ayniqsa ikkinchi davrada ancha "ochildi" va raqiblar darvozasiga 5ta gol urishga erishdi.



Kashfiyot
Ikrom Aliboev. O'tgan yil bu futbolchini deyarli hech kim tanimas edi. Vadim Abramov yosh futbolchiga ishonch bildirib uni OCHL va oliy liga o'yinlarida qo'rqmay asosiy tarkibga kiritdi. Ikrom esa ishonchni ortig'i bilan oqlay oldi. 21 yoshli yarim himoyachi o'zidan katta va tajribali futbolchilar bilan raqobatdan cho'chimay harakat qildi. Uning kamchiligi ko'p sariq kartochka olishidir. Aliboev 25ta o'yinda 5 marta ogohlantirildi (klub futbolchilari orasida uchinchi natija).



Eng yaxshi o'yin
"Lokomotiv" - "Bunyodkor" 3:0
4-turda TTZ dahasidagi "Lokomotiv" stadionida mavsumning ilk Toshkent derbisi bo'lib o'tdi. Unda Abramov shogirdlari Sergey Lushan boshchiligidagi "qaldirg'ochlar"ni har jabhada taslim qilishdi. Temurxo'ja Abduxoliqov, katta Jasur Hasanov va Ruslan Koryan tomonidan urilgan gollar "Lokomotiv"ga yirik g'alaba keltirgandi - 3:0.




Eng yaxshi futbolchi
Sanjar SHoahmedov. "Olmaliq"dan "Lokomotiv"ga ko'chib o'tgan yarim himoyachi bir yil ichida "temiryo'lchilar"ning haqiqiy etakchisiga aylanib oldi. SHoahmedov jamoada eng ko'p o'yinda maydonga tushdi va 14ta gol bilan jamoa to'purari bo'ldi. Sanjar oliy liga to'purarlari orasida uchinchi o'rinda qayd etildi.



Kim qancha o'ynadi?

Futbolchi	Amp	Tug'.sana	O'yin	Daqiqa	Gol	SK	QK
SHoahmedov Sanjar	Yahm	23.09.1990	29	2493	14	0	0
Kapadze Timur	Yahm	05.09.1981	29	2182	5	1	0
To'raev Lutfulla	Yahm	30.03.1988	27	2024	4	7	0
Bikmaev Marat	Yahm	01.01.1986	27	1429	11	2	0
Hasanov Jasur O.	Yahm	02.08.1983	26	1566	5	0	0
Yanichich Nemanya	Him	13.07.1986	25	2136	0	7	0
Aliboev Ikrom	Yahm	09.01.1994	25	1531	2	5	0
To'xtaxo'jaev Islom	Him	30.10.1989	24	1884	2	4	1
Mustafoev Salim	Him	07.03.1991	23	1943	1	3	0
Hasanov Jasur J.	Yahm	24.07.1989	23	1930	3	2	0
Abduxoliqov Temurxo'ja	Huj	25.09.1991	21	1135	8	1	0
Zoteev Oleg	Yahm	05.07.1989	20	1099	2	1	0
Nesterov Ignatiy	Dar	20.06.1983	17	1530	0	2	0
Rahmatullaev Dilshod	Yahm	17.02.1989	17	1193	2	3	0
Yo'ldoshev Boburbek	Him	08.04.1993	14	1172	0	2	0
Mullajonov SHavkat	Him	18.01.1986	14	1050	0	2	0
Ikramov Mamur	Dar	12.06.1982	13	1164	0	0	1
Mirzaev Sardor	Yahm	21.03.1991	10	499	0	1	0
Koryan Ruslan*	Huj	15.06.1988	10	489	2	1	0
Mamazulumov Mo'ydin**	Huj	22.01.1984	10	318	3	2	0
Koyashevich Damir*	Yahm	03.06.1987	8	320	1	1	0
Rahimov Ibrohim	Him	29.09.1984	7	558	0	0	0
SHog'ulomov Alisher*	Huj	08.06.1994	1	45	0	0	0

Izoh:
* - birinchi davradan so'ng jamoani tark etganlar.
** - ikkinchi davrada jamoaga kelganlar




"Lokomotiv-2015" mavsum statistikasi

O'yinlar	30
Gollar	66
Uydagi gollar	37 (56,06%)
Mehmondagi gollar	29 (43,94%)
O'tkazilgan gollar	22
Uyda o'tkazilgan gollar	7 (31,82%)
Mehmonda o'tkazilgan gollar	15 (68,18%)
O'rtacha gol	2,2
O'rtacha o'tkazilgan gol	0,73
Uydagi ochkolar	41/45 (91,11 %)
Mehmondagi ochkolar	33/45 (73,33 %)
Eng yirik g'alaba	7:0 - "So'g'diyona"
Eng yirik mag'lubiyat	1:2 - "Paxtakor"
"Quruq" o'yinlar	13 (43,33%)
Gol ura olmagan o'yinlar	2 (6,67%)
Irodagi g'alaba	0
Yirik g'alabalar	6
Yirik mag'lubiyatlar	0
Avtogol (urilgan/o'tkazilgan)	1/0
Ogohlantirishlar (o'rtacha)	47 (1,57)
CHetlatishlar (o'rtacha)	2 (0,07)
Maydonga tushganlar (legioner)	23 (3 - 13,04%)
Tomoshabinlar (jami/o'rtacha)	110417 / 3681

Oliy liga-2015 yakunlari. "Paxtakor" haqida


Narzulla Saydullaev