Oliy liga. Bu yil kelishilgan o'yinlarga qarshi qattiq kurash olib boriladi

Natijada buning samarasi o'laroq O'FFda "Kelishilgan o'yinlarga qarshi kurashish" bo'limi tashkil etildi va mazkur bo'limni hozirda taniqli mutaxassislardan biri Ahrol Inoyatov boshqarmoqda.

SHu kunlarda Ahrol Inoyatovichning vaqti juda tig'iz. U kishi oliy liganing har bir klubi bilan uchrashib, murabbiy va ftubolchilar bilan yangi mavsum oldidan suhbat o'tkazmoqda. Qolaversa, klublar rahbarlari, murabbiylar, futbolchilar va hatto matbuot kotiblariga "Haqqoniylik bayonnomasi"ni tarqatib, kerakli joyga qo'l qo'ydirib olmoqda.

Ushbu bayonnomaga imzo chekmagan futbolchi oliy liga o'yinlarida maydonga tusha olmaydi. "Ishimiz rosayam ko'p, kelishilgan o'yinlarga qarshi kurash yo'lida har bir jamoa bilan jiddiy ish olib boryapmiz. Nasib qilsa, bu yil bunday o'yinlarga chek qo'yiladi" - deydi Ahrol Inoyatov biz bilan suhbatda.