Oliy liga-2014. "Nasaf" mavsumni g'alaba bilan boshladi

Nasaf (Qarshi) – Dinamo (Samarqand) 1:0
 Hakamlar: R. Ermatov (Toshkent), A. Rasulov (Toshkent), J. Saidov (Toshkent), D. Jalimov (Nukus).
Gol: Ilhom Yunusov (66).
"Nasaf": Eldor Suyunov, Maqsud Karimov, Botir Qoraev, Ilhom SHomurodov, Artur Gevorkyan, Erkin Boydullaev, Ilhom Yunusov, SHuhrat Muhammadiev, Hamza Karimov, Farrux Sayfiev (Kenja To'raev, 59), Azamat Allaniyozov (Ulug'bek Dadaboev, 72).
"Dinamo": Andrey Melnichuk, Ildar Mamatkazin, Sanat SHixov, G'ulom O'runov (Zayniddin Tojiev, 77), Akmal Xolmurodov, Abdullo Nabiev, Sirojiddin Sayfiev (Azamat Bobojonov, 72), Alisher Samatov, Komil SHarafutdinov, Avaz Agaliev, Farrux SHotursunov.
Ogohlantirishlar: Farrux SHotursunov (17), Alisher Samatov (85)
Nazoratchi: B. Galeev (Urganch).

Ushbu sahifa orqali o'yinning eng asosiy vaziyatlarini kuzatib borish mumkin.

                                      YANGILASH

90+2` Uchrashuv tugadi! "Nasaf" - "Dinamo" 1:0!
90` Uchrashuvga 2 daqiqa vaqt qo'shib berildi!
89` "Dinamo" futbolchilari ikkinchi bo'limda darvoza tomon birorta zarba berishgani yo'q.
88` Kenja To'raev gol kiritdi. Lekin Ravshan Ermatov bu vaziyatda Kenja o'yin qoidasini buzdi deb topdi va golni inobatga olmadi.
86` "Nasaf" oradagi farqni ikkitaga oshirishi mumkin edi. Lekin zaxiradan maydonga tushgan Ulug'bek  Dadaboevning zarbasini Melnichuk qaytarib qoldi. Bugun "Dinamo" posboni o'zining eng yaxshi o'yinlaridan birini o'tkazmoqda.
85` Alisher Samatov hakam tomonidan ogohlantirildi.
84` "Nasaf"ning hujumi SHomurodovning noaniq pasi tufayli to'xtab qoldi.
82` Mehmonlarning hujumi uzilib qoldi.
80` Uchrashuvdagi keskinlik biroz pasaygandek.
77` "Dinamo" da o'zgarish. Zayniddin Tojiev G'ulom O'runov o'rnida maydonda harakat qiladi.
75` "Nasaf" tarkibida navbatdagi o'zgarish. Azamat Allaniyozov o'rnida Ulug'bek Dadaboev maydonga tushdi.
72` "Dinamo" tarkibida o'zgarish ruy berdi. Sirojiddin Sayfiev o'rnida Azamat Bobojonov o'yinni davom ettiradi.
71` Azamat Allaniyozov raqib darvozasini nishonga oldi. Lekin bu vaziyatda "Nasaf" futbolchisi o'yindan tashqari holatda qolgandi.
68` "Nasaf" yana oldinga bormoqda.
66` GOOOOOOOOOL! Ilhom Yunusov! 1:0! "Nasaf"ning navbatdagi hujumi gol bilan yakunlandi. Azamat Allaniyozov boshi bilan Ilhom Yunusovga to'pni tashlab berdi va Ilhom jarima maydonchasi oldidan kuchli zarbasi bilan hisobni ochishga erishdi.
65` "Nasaf" tarkibidan Artur Gevorkyan va SHuhrat Muhammadieva, "Dinamo"dan Akmal Xolmurodov va Melnichuklar bugungi o'yinda yaxshi harakat qilishmoqda.
62` Mehmonlar o'yindagi vaziyat biroz yumshatishdi.
61` "Dinamo" himoyachilari va posboni bugun ancha faol harakat qilishmoqda.
59` O'zgarish: Farrux Sayfiev o'rniga Kenja To'raev harakat qiladi.
58` "Nasaf" jonlandi! Hujumlar yomg'iri! Ilhom Yunusovning chamasi 25 metrlar masofadan yo'llagan zarbasini Andrey Melnichuk bartaraf etdi! "Dinamo" posboniga tasanno!
57` Xavfli vaziyat!!! Artur Gevorkyanning jarimadan yo'llagan kuchli zarbasini Melnichuk qaytarib yubordi. Melnichukdan ajoyib seyv!
55` Farrux Sayfiev follik ko'rsatdi va ikkita raqibni aldab o'tib, raqib jarima maydonchasiga kirib bordi. Lekin "Dinamo" himoyachisi to'pni Farruxdan olib qo'ydi.
51` "Dinamo" birinchi bo'lim so'nggidagi faolligini davom ettirmoqda.
48` "Dinamo" futbolchilar hujum uyushtirishdi. Lekin "Nasaf" himoyachilari bu vaziyatda aniq harakat qilishdi.
47` "Nasaf" burchak to'pi tepdi.
46` Ikkinchi bo'lim boshlandi!











45+2` Birinchi bo'lim yakunlandi!
45` Birinchi bo'limga 2 daqiqa vaqt qo'shib berildi.
41` Ildar Mamatkazinga tibbiy yordam ko'rsatilmoqda.
40` "Dinamo" futbolchilari ancha jonlanib qolishdi.
37` Sirojiddin Sayfiev hozir "Nasaf"ni jazolashi mumkin edi. Uning bosh bilan bergan zarbasini Hamza Karimov darvoza chizig'i oldidan qaytarib qoldi. "Dinamo"ning ilk xavfli hujumi.
36` Artur Gevorkyan bugun birin-ketin standart vaziyatlarini amalga oshirmoqda. Lekin uning uzatib berayotgani to'plarini "Dinamo" himoyachilari bartaraf etishmoqda.
34` "Nasaf"ning ketma-ket hujumlari davom etmoqda.
32` Artur Gevorkyan amalga oshirgan jarima zarbasi samarasiz yakunlandi.
30` Ilhom SHomurodov chap qanotda raqib futbolchisini dog'da qoldirdi va to'pni jarima maydonchasiga etkazib berdi. Artur Gevorkyanning boshi bilan yo'llagan zarbasi noaniq ketdi.
29` "Dinamo" futbolchisi G'ulom O'runov o'z jamoasining ilk zarbasini maydon markazidan yo'lladi. Noaniq. 
25` "Dinamo" himoyachilari xavfni bartaraf etishdi.
24` "Nasaf" burchak to'pi ishlab oldi.
22` Mehmonlarning ilk hujumi uzilib qoldi. Abdullo Nabiev bu vaziyatda to'pga qo'li bilan tekkandi.
20` "Dinamo" futbolchilari maydon markazidan o'tishga qiynalishmoqda.
17` Farrux SHotursunovga hakam sariq kartochka ko'rsatdi.
15` Uchrashshuv asosan maydon markazi va "Dinamo" jarima maydonchasi oldida kechmoqda.
14` Artur Gevorkyan uzatib bergan to'pga jamoadoshlari etib bora olishmadi.
12` Mezbonlar asosan to'pni o'zlarida saqlab turib, o'z hujumlarini tashkillashtirishmoqda.
9` "Dinamo" hozircha himoyalanish bilan band.
8` Gevorkyan-Muhammadiev kombinaciya ajoyib ko'rinish oldi. SHuhrat Muhammadiev qanotdan etkazib bergan to'pni "Dinamo" himoyachilari bartaraf etishga muvofaq bo'lishdi.
7` "Nasaf" hujum qilishda davom etmoqda.
5` Burchak to'pidan mezbonlar samarali tarzda foydalana olishmadi. "Dinamo" himoyachilari xavfni bartaraf etishdi.
4` "Nasaf" burchak to'pi tepadi.
3` "Nasaf"ning xavfli hujumi! Farrux Sayfiev Ilhom SHomurodovni qulay vaziyatga chiqardi. Lekin SHomurodov yakuniy zarbani berishda adashdi.
2` "Nasaf" ilk hujumni tashkil qildi. Allaniyozov boshlab bergan hujum o'z yakuniga etmay qoldi.
1` Uchrashuvga start berildi!

Qarshi shahrida yangi futbol mavsumi ochiq deb elon qilindi!
Qarshi shahar hokimi Akmal Ochilov yangi mavsum bilan har ikkala jamoa azolarini, muxlislarni tabriklamoqda.
-"Nasaf" va "Dinamo" futbolchilari maydonga chiqib kelishmoqda.
Jamoalar tarkibi aniq!
"Nasaf": Eldor Suyunov, Maqsud Karimov, Botir Qoraev, Ilhom SHomurodov, Artur Gevorkyan, Erkin Boydullaev, Ilhom Yunusov, SHuhrat Muhammadiev, Hamza Karimov, Farrux Sayfiev, Azamat Allaniyozov.
Zaxira: Mixail Naumov, Akram Baxritdinov, Kenja To'raev, Laziz Ubaydullaev, Alisher Yusupov, Ulug'bek Dadaboev, Odil Hamrobekov.
"Dinamo": Andrey Melnichuk, Ildar Mamatkazin, Sanat SHixov, G'ulom O'runov, Akmal Xolmurodov, Abdullo Nabiev, Sirojiddin Sayfiev, Alisher Samatov, Komil SHarafutdinov, Avaz Agaliev, Farrux SHotursunov.
Zaxira: Igor Mixaylov, Asror Aliqulov, Akmal Bozorov, Zayniddin Tojiev, Iskandar Xolmirzaev, Azamat Bobojonov, Firdavs Abdusalomov.

-O'yin soat 17:30 da start oladi.
-Uchrashuvni tomosha qilish uchun Samarqand shahridan ham bir guruh ishqibozlar o'z jamoalarini qo'llab-quvvatlash maqsadida tashrif buyurishgan.
-Yaqin daqiqalar ichida boshlang'ich tarkiblar malum bo'ladi!

"Nasaf" futbolchilarining kayfiyati alo darajada

"Dinamo" bosh murabbiyi Ravshan Haydarov

"Dinamo" futbolchilar stadionga kirib kelishmoqda

"Nasaf" ham stadionga tashrif buyurdi

Uchrashuv bosh hakami Ravshan Ermatov stadionga etib keldi

"Nasaf" klubi OAV xodimlari uchun barcha shart-sharoitlarni yaratib bergan

"Nasaf" stadioni uchrashuvga to'liq shay holatda

- Assalomu aleykum qadrli futbol ishqibozlari! Bugun yurtimiz stadionlarida futbol bahori kirib kelmoqda! Barcha futbol muxlislarini ushbu tantana bilan muborakbod etamiz! Yaqin daqiqalar ichida Qarshida "Nasaf" - "Dinamo" jamoalari o'rtasidagi bahs boshlanadi!
Qarshi markaziy stadionidan matnli onlayn translyaciyamizni boshlaymiz! Xizmatingizda SHahboz Beg'amov bo'ladi!



Suratlar muallifi: Sardor Nurov
Onlayn sharhda: SHahboz Beg'amov