Oliy liga-2014. Ko'zguda – “Buxoro”

Odatdagidek bu yil oliy ligada ishtirok etuvchi jamoalarga qisqacha to'xtalishda davom etamiz. Demak, ko'zguda – “Buxoro”.

O'TGAN YILGI O'RNI: 6
“Buxoro” o'tgan yil 6-o'rinni olgani bilan bu yil jamoaga oson bo'lmasa kerak. Yangi murabbiy, yangi o'yinchilar degandek. Lekin hammasini chempionat ko'rsatadi.

BOSH MURABBIY: Edgar Gess
Edgar Gess o'tgan mavsum yakuniga etganidan so'ng jamoani qabul qilib oldi. Tajribali murabbiy “Buxoro” bilan qanday natija ko'rsatishini yaxshisi vaqtning hukmiga havola qilamiz.

ENG YAXSHI XARID: SHukur Jumaboev
SHukur Jumaboevni hammadan ham Edgar Gess yaxshi biladi. CHunki murabbiy u bilan “SHo'rtan”da birga ishlagan. O'zining tezkor harakatlari bilan ajralib turadigan chap qanot futbolchisi tezda jamoa o'yiniga kirishib ketsa ajab emas.

ENG KATTA YO'QOTISH: Otabek Narzullaev
SHubhasiz, Otabek Narzullaev og'ir vaziyatlarda jamoa joniga oro kiradigan futbolchi edi. Kasbilik yarim himoyachi “Buxoro”ga ancha moslashib olgandi, biroq faoliyatini “Mashal”da davom ettirishga qaror qildi.

JAMOA ETAKCHISI: Suhrob Nematov
Suhrob Nematov yana “Buxoro”ga qaytdi. Qaytganda ham muxlislar uni etakchi sifatida qarshi olishdi. Nematov “Nasaf”dagi faoliyati mobaynida katta tajriba to'pladi va endi bemalol o'rtamiyona klubda etakchi bo'lish imkoniga ega.

O'ZINI KO'RSATISHI KUTILAYOTGAN FUTBOLCHI: Akobir To'raev
Akobir To'raevni hamma gapiryapti. 2013 yil yakunlariga ko'ra “Eng yaxshi yosh futbolchi” deb topilgani ham bejiz emas. To'g'ri, Akobir hali yosh, shunga qaramay, ko'pchilik undan bu mavsum “portlash”ni kutmoqda.

CHEMPIONATNI KIMGA QARSHI BOSHLAYDI: uyda “Neftchi”

Xayrulla Xoliqov.